လူသား အစ

 လူ

-----

ယနေ့ခေတ် လူသားစတင်ပုံကိုလေ့လာတဲ့အခါ Australopithecus က လူသားတွေရဲ့ ရှေ့ပြေးဖြစ်တဲ့ မျိုးနွယ်စုတစ်ခု ဖြစ်ပြီး Homo habilis လို့ခေါ်တဲ့ ပိုပြီး လူသားနဲ့ ဆင်တဲ့ မျိုးနွယ်စုကို ဖြစ်ပေါ်စေခဲ့ပါတယ်။

မှတ်ချက် ။ ။ 

( လူသားနဲ့ ချင်ပန်ဇီ၊ ဂေါ်ရီလာတို့ဟာ တစ်ချိန်က အတူတူဖြစ်ခဲ့တဲ့ ဘိုးဘေးတစ်ခုတည်းက ဆင်းသက်လာတာ ဖြစ်ပါတယ်။ နောက်ပိုင်းမှာ သီးခြားလမ်းကြောင်းတွေကို လိုက်သွားခဲ့ကြတာကြောင့် မတူညီတဲ့ မျိုးစိတ်တွေအဖြစ် ပြောင်းလဲသွားခဲ့တာပါ။

လူသားရဲ့ ရှေ့ပြေးဖြစ်တဲ့ Australopithecus ဟာ ချင်ပန်ဇီနဲ့ ဂေါ်ရီလာတို့နဲ့ ကွဲပြားသွားပြီးနောက်ပိုင်းမှာ ပေါ်ပေါက်လာတဲ့ မျိုးစိတ်တစ်ခု ဖြစ်ပါတယ်။ 

ဒါကြောင့် မျောက်ကနေ လူဆင်းသက်တယ်ဆိုပြီး သိမြင်ထားတဲ့စကားတွေက လုံးဝ အမှားတွေဖြစ်ပါတယ် )

စတင်ခဲ့တဲ့ Australopithecus ဆိုတာက အာဖရိကမှာ နှစ် ၄ သန်း မှ ၂ သန်းနှစ်ကြား နေထိုင်ခဲ့ကြတဲ့ ရှေးဦး လူ့မျိုးနွယ်တစ်ခုဖြစ်ပါတယ် ။ လူသားရဲ့ ရှေးဦး ဘိုးဘေးများထဲမှ တစ်မျိုးဖြစ်ပြီး ခြေထောက်နှစ်ချောင်းနဲ့ သွားလာနိုင်မှု၊ ကိရိယာများအသုံးပြုနိုင်မှု စတဲ့ လူသားလက္ခဏာများကို ပိုင်ဆိုင်ခဲ့ကြပါတယ်။

ယနေ့ခေတ်လူသားမှာတော့ Australopithecus ရဲ့ မျိုးရိုးဗီဇအနည်းငယ်သာ ကျန်ရှိနေနိုင်ပါတော့တယ် ။ ဒါပေမယ့် သူတို့ဟာ ယနေ့ခေတ် လူသားတွေရဲ့ စုစုပေါင်း မျိုးရိုးဗီဇအတွင်းမှာ အလွန်သေးငယ်တဲ့ အစိတ်အပိုင်းတစ်ခုမှာ ရှိနေနိုင်ပါသေးတယ် ။

 Australopithecus တွေက ခြေနှစ်ဖက်နဲ့သွားလာနိုင်ပေမယ့်လည်း ဦးနှောက်အရွယ်အစားက သေးငယ်ပြီး ဝံမျိုးနွယ် လက္ခဏာအချို့ကို တွေ့မြင်ရမှာဖြစ်ပါတယ်။ ယနေ့ခေတ် လူသားတွေက ဦးနှောက်ကြီးမားပြီး ခြေနှစ်ဖက်နဲ့ မတ်မတ်ရပ်သွားလာမှုအပြင် စကားပြောနိုင်စွမ်း၊ ကိရိယာများအသုံးပြုနိုင်စွမ်း စတဲ့ အရည်အချင်းများကို ပိုမိုတိုးတက်စွာ ပိုင်ဆိုင်ထားကြပါပြီ ။

အဲ့ဒီ့နောက် Australopithecus ကနေမှ Homo habilis လို့ခေါ်တဲ့ ပိုပြီး လူသားနဲ့ ဆင်တဲ့ မျိုးနွယ်စုကို ဖြစ်ပေါ်စေခဲ့ပါတယ်။ သူတို့က Australopithecus ထက် ပိုမိုကြီးမားသော ဦးနှောက်နဲ့ ကိရိယာများကို ပိုမိုကျွမ်းကျင်စွာ အသုံးပြုနိုင်ခဲ့ကြပါတယ်။

Homo habilis တွေက လူသားတို့၏ ရှေးဦး ဘိုးဘေးများထဲမှ တစ်မျိုးဖြစ်ပြီး ပလီစတိုဆင်း ခေတ်ကာလတွေမှာ အရှေ့ဘက်နဲ့ တောင်အာဖရိကတို့မှာ နေထိုင်ခဲ့ကြပါတယ် ။ သူတို့ဟာ ခန့်မှန်းခြေအားဖြင့် ၂.၃ သန်း မှ ၁.၆၅ သန်းနှစ်ခန့်ကြာ နေထိုင်ခဲ့ကြတယ်လို့တွေ့ရပါတယ် ။

ရှေ့ပြေး လူ့အနွယ်တွေနဲ့နှိုင်းယှဉ်ပါက Homo habilis တွေဟာ ပိုမိုကြီးမားတဲ့ ဦးနှောက်ကို ပိုင်ဆိုင်ခဲ့ကြပါတယ် ။ အဲ့ဒါက ပိုမိုမြင့်မားတဲ့သိမှုအသိဉာဏ်ကို ညွှန်ပြနေတယ်ဆိုတာ သတိပြုရမှာပဲ ဖြစ်ပါတယ် ။ (ဦးနှောက် သေးခြင်း ၊ ကြီးခြင်းရဲ့ အသိညာဏ်ကို ဖေါ်ပြခြင်းဟာ လူသားမျိုးနွယ်ကိုသာ ရည်ရွယ်ခြင်းဖြစ်သည်)

အဲ့ဒီမျိုးနွယ်တွေဟာ ကျောက်ကိရိယာများကို ဖန်တီးပြီး အသုံးပြုနိုင်ခဲ့ကြတာကြောင့် "လက်ရွေးစင်လူသား" ဆိုပြီး အမည်ကို ရရှိခဲ့ကြပါတယ် ။ အဲ့ဒီ့ ကျောက်ကိရိယာတွေကို အသုံးပြုပြီး တိရစ္ဆာန်တွေကို ဖြတ်တောက်ခြင်းနဲ့ အပင်တွေကို လိုသလိုခုတ်ထွင်ယူဆောင်တာတွေစတဲ့ အမျိုးမျိုးသော ရည်ရွယ်ချက်တွေအတွက် အသုံးပြုခဲ့ကြပါတယ် ။

Homo habilis တွေက အုပ်စုဖွဲ့နေထိုင်ခဲ့ကြပြီး လိုက်လံရှာဖွေတာနဲ့ စုဆောင်းတာတွေလိုမျိုး ထူးခြားတဲ့ လုပ်ငန်းတွေမှာ ပူးပေါင်းဆောင်ရွက်ခဲ့ကြတယ်လို့ တွေ့ရှိရပါတယ် ။ Homo habilis တွေဟာ ခေတ်သစ်လူသားများဆီကို ဦးတည်တဲ့ တိုးတက်မှုလမ်းကြောင်းမှာအရေးအကြီးဆုံး ဆက်သွယ်မှုတစ်ခုအဖြစ် သတ်မှတ်နိုင်ပါတယ် ။

အဲ့ဒီ့နောက်မှာတော့ Homo habilis ကနေ Homo erectus ဆီကို ဆက်ခံခဲ့ပြီး Homo erectus က ပိုပြီးဦးနှောက်ကြီးမားတဲ့ မျိုးနွယ်စု ဖြစ်လာခဲ့ပါတယ်။

Homo erectus တွေက လူသားတို့၏ ရှေးဦး ဘိုးဘေးတွေထဲက တစ်မျိုးဖြစ်ပြီး ၁.၉ မီလီယံနှစ်ကနေ ၁၄၃,၀၀၀ နှစ်အကြားမှာ နေထိုင်ခဲ့ကြပါတယ်။ သူတို့က အာဖရိကတိုက်ကနေ ပထမဆုံး ပြောင်းရွှေ့ထွက်ခွာပြီး အာရှနဲ့ ဥရောပဆီကို ပျံ့နှံ့ခဲ့တဲ့ ပထမဆုံး လူသားမျိုးနွယ်စပ်တွေပဲ ဖြစ်ကြပါတယ် ။ 

ရှေ့ပြေး လူ့ဘိုးဘေးတွေနဲ့ နှိုင်းယှဉ်ပါက Homo erectus တွေဟာ သိသိသာသာ ကြီးမားတဲ့ ဦးနှောက်ကို ပိုင်ဆိုင်ခဲ့ကြပါတယ် ။ အဲ့ဒါက တိုးတက်မြင့်မားတဲ့ သိမှုအသိဉာဏ်နဲ့ ဉာဏ်ရည်ကို ညွှန်ပြနေတာဖြစ်ပါတယ် ။ သူတို့ဟာ  ကျောက်ကိရိယာများကို ကျွမ်းကျင်စွာ ပြုလုပ်ကြပြီး လိုက်လံရှာဖွေတာတွေ ၊ စုဆောင်းတာတွေနဲ့ အခြားလုပ်ငန်းတွေအတွက်လည်း အသုံးပြုခဲ့ကြပါတယ် ။ Homo erectus က မီးကို ထိန်းချုပ်နိုင်ခဲ့တဲ့ ပထမဆုံး လူသားမျိုးနွယ်စပ်ပဲ ဖြစ်ပါတယ်။

အဲ့ကနေမှ တစ်ဆင့် Homo erectus တစ်စိတ်တစ်ပိုင်းက အာဖရိကမှာ ကျန်ရစ်ခဲ့ပြီး နောက်ပိုင်းမှာ Homo sapiens(ခေတ်သစ်လူသား) ဖြစ်လာခဲ့ပါတယ်။

Homo erectus တစ်စိတ်တစ်ပိုင်းက ဥရောပနဲ့ အာရှကို ရွှေ့ပြောင်းသွားခဲ့ပြီး Homo heidelbergensis ဖြစ်လာခဲ့ပါတယ်။

Homo heidelbergensis ဆိုတာ လွန်ခဲ့တဲ့ နှစ်ပေါင်း 700,000 မှ 200,000 နှစ်ကြား အာဖရိက၊ ဥရောပနဲ့ အာရှတို့မှာ နေထိုင်ခဲ့တဲ့ လူသားမျိုးနွယ်စုတစ်ခုပါ။ သူတို့ဟာ လူသားအဖွဲ့အစည်းရဲ့ တိုးတက်မှုမှာ အရေးကြီးတဲ့ အခန်းကဏ္ဍမှ ပါဝင်ခဲ့ပြီး လူသားတို့ရဲ့ ဘိုးဘေးတွေထဲက တစ်မျိုးလို့ တွေ့ရပါတယ်။

သူတို့ရဲ့ အဓိကအင်္ဂါရပ်တွေကတော့ ဦးနှောက်ကြီးမားခြင်းဖြစ်ပါတယ် ။ ဦးနှောက်အရွယ်အစားက 1100 ကနေ 1400 စင်တီမီတာခန့် ရှိပြီး ခေတ်သစ်လူသားတွေနဲ့ နီးစပ်နေပါတယ်။

ခန္ဓာကိုယ်က Homo erectus ထက် ပိုမိုကြီးမားပြီး ခွန်အားကောင်းပါတယ်။ ကျောက်တုံးတွေကို ခုတ်ထစ်ပြီး ပိုကောင်းတဲ့ ကိရိယာတွေကို ပြုလုပ်နိုင်ခဲ့ပါတယ်။ မီးကို ထိန်းချုပ်ပြီး အပူပေးခြင်း၊ အလင်းရယူခြင်းနဲ့ အစားအစာကို ချက်ပြုတ်စားသုံးခြင်းတွေ လုပ်ဆောင်နိုင်ခဲ့ပါတယ်။ သစ်တောတွေကို မီးရှို့ပြီး တိရစ္ဆာန်တွေကို လိုက်ဖမ်းတဲ့ နည်းလမ်းတွေကိုလည်း သိကြပြီး သဘာဝအတိုင်းရှိတဲ့ အမိုးအကာတွေကို အသုံးပြုကာ အိမ်တွေကို ဆောက်လုပ်ခဲ့ကြပါတယ်။

Homo heidelbergensis ရဲ့ မျိုးဗီဇတွေကို အာဖရိက၊ ဥရောပနဲ့ အာရှတို့မှာ တွေ့ရှိခဲ့ပါတယ်။ Homo heidelbergensis က Neanderthals နဲ့ Homo sapiens တို့ရဲ့ ဘိုးဘေးတွေထဲက တစ်မျိုးလို့ ယူဆကြပါတယ်။

အာရှနဲ့ ဥရောပကိုရောက်သွားတဲ့ Homo erectus ကနေဆင်းသက်လာတဲ့ Homo heidelbergensis တွေကနေတစ်ဆင့် Neanderthals နဲ့ Homo sapiens(ခေတ်သစ်လူသား) နှစ်မျိုးလုံး ဆင်းသက်လာခဲ့ပါတယ်။

Neanderthals တွေဟာ လွန်ခဲ့တဲ့ နှစ် 400,000 ခန့်က ယူရေးရှားဒေသမှာ ပထမဆုံး ပေါ်ပေါက်ခဲ့တယ်လို့ ယူဆကြပါတယ်။ 

Neanderthals က လူသားတွေနဲ့ အလွန်နီးစပ်တဲ့ မျိုးစိတ်တစ်ခု ဖြစ်ပါတယ်။ သူတို့ကို လူသားတွေရဲ့ "ဆွေမျိုး" လို့ ပြောလေ့ရှိတယ်။ ဒါပေမယ့် သူတို့က လူသားတွေနဲ့ တူညီတဲ့ မျိုးစိတ်တစ်ခုတော့ မဟုတ်ပါဘူး။

ဘာကြောင့် သီးခြားမျိုးစိတ်လို့ ပြောရတာလဲဆိုတော့ Neanderthals တွေရဲ့ ဦးခေါင်းလို့ ခေါ်တဲ့ နောက်ကျောတစ်ခုလုံးက ပြူထွက်နေတာ၊ သွားများရဲ့ ပုံသဏ္ဌာန်၊ ခန္ဓာကိုယ်အင်္ဂါအစိတ်အပိုင်းတွေရဲ့ ဖွဲ့စည်းပုံတွေက လူသားတွေနဲ့ ကွာခြားပါတယ်။ သူတို့ရဲ့ DNA ကို လေ့လာချက်အရ လူသားတွေနဲ့ 99.7% အထိ တူညီမှုရှိပေမယ့် ကျန်တဲ့ 0.3% က သိပ်မနည်းတဲ့ ကွာခြားမှုတစ်ခုဖြစ်ပါတယ်။ သူတို့က ကျောက်နဲ့ သစ်သားကိရိယာတွေကို လူသားတွေနဲ့ မတူတဲ့ ပုံစံနဲ့ ပြုလုပ်ပြီး အသုံးပြုခဲ့ကြပါတယ်။ 

အဲ့ဒီ့နောက် အာဖရိကမှာ ကျန်ခဲ့တဲ့ Homo sapiens(ခေတ်သစ်လူသား)တွေဟာ ဥရောပနဲ့ အာရှဘက်ကလို Neanderthals အဖြစ် တိုက်ရိုက်ပြောင်းလဲသွားခဲ့တာမျိုး မရှိခဲ့ပါဘူး။

အကြောင်းရင်းကတော့ မတူညီတဲ့ မျိုးစိတ်တွေဖြစ်တာကြောင့်ပါ။ Homo sapiens (ခေတ်သစ်လူသား)နဲ့ Neanderthals ဟာ မတူညီတဲ့ မျိုးစိတ်တွေဖြစ်ပါတယ်။ သူတို့ဟာ တစ်ချိန်က အတူတူဖြစ်ခဲ့တဲ့ ဘိုးဘေးတစ်ယောက်တည်းက ဆင်းသက်လာတာ ဖြစ်ပေမယ့် နှစ်ပေါင်းများစွာ ကြာလာတဲ့အခါမှာ မတူညီတဲ့ လမ်းကြောင်းတွေကို လိုက်သွားခဲ့ကြတာကြောင့် မတူညီတဲ့ မျိုးစိတ်တွေအဖြစ် ပြောင်းလဲသွားခဲ့တာပါ။

 ပြောင်းလဲသွားတဲ့ပုံစံတွေကတော့ မတူညီတဲ့ ဒေသတွေမှာ နေထိုင်ခဲ့တာကြောင့်ပါ။ Homo sapiens တွေဟာ အာဖရိကမှာ ပေါ်ပေါက်ခဲ့ပြီး Neanderthals တွေကတော့ ဥရောပနဲ့ အာရှတို့မှာ နေထိုင်ခဲ့ကြပါတယ်။ ဒီလို မတူညီတဲ့ ဒေသတွေမှာ နေထိုင်ခဲ့တာကြောင့် သူတို့ရဲ့ ကိုယ်ခန္ဓာတွေမှာ မတူညီမှုတွေ ပိုမိုဖြစ်ပေါ်လာခဲ့ပါတယ်။

 အဲ့ဒီ့နောက် အာဖရိက က Homo sapiens နဲ့ ဥရောပနဲ့အာရှမှာ ဖြစ်ပေါ်လာတဲ့ Neanderthals တို့ဟာ တစ်ချိန်မှာ တွေ့ဆုံခဲ့ကြပြီး လိင်ဆက်ဆံခဲ့ကြပါတယ်။ ဒါကြောင့် ယနေ့ခေတ်လူသားတွေရဲ့ DNA မှာ Neanderthals ရဲ့ DNA အနည်းငယ် ပါဝင်နေတာကို တွေ့ရတာပဲ ဖြစ်ပါတယ်။

Homo sapiens တွေဟာ Neanderthals တွေထက် ပိုပြီး လိုက်လျောညီညွတ်နိုင်စွမ်းရှိခဲ့တာကြောင့် နောက်ပိုင်းမှာ Neanderthals တွေလုံးဝ  ကွယ်ပျောက်သွားခဲ့ရပါတယ်။

Neanderthals တွေနဲ့ ပေါင်းသင်းဆက်ဆံခဲ့ကြပြီး ဆင်းသက်လာတဲ့ လူသားမျိုးနွယ်ကို Cro-Magnon လို့ခေါ်တဲ့ ယနေ့ရှေးခေတ်  Homo sapiens(ခေတ်သစ်လူသား)လူမျိုးတွေ ဖြစ်လာခဲ့ကြပါတော့တယ်။

Cro-Magnon ဟာ ယနေ့ခေတ် လူသားတွေရဲ့ ရှေ့ပြေးဖြစ်ပြီး ယနေ့ခေတ် လူသားတွေရဲ့ သိပ္ပံအမည်က Homo sapiens ဖြစ်ပါတယ်။

#htoohtoolay

ကမ္ဘာကျော်ဗဟုသုတများဖတ်ရန် apk

Download ဆွဲရန်