မင်းကွန်းခေါင်းလောင်းတော်ကြီး
-----
မင်းကွန်းခေါင်းလောင်းတော်ကြီးကို ဘိုးတော်ဘုရား
(၁၇၈၂ - ၁၈၁၉) က ပုထိုးတော်ကြီးတွင် ထားရှိရန် မြန်မာသက္ကရာဇ် ၁၁၇၀ ပြည့်နှစ် ၊ ကဆုန်လ
(အေဒီ - ၁၈၀၈ ခုနှစ် ၊ ဧပြီလ) တွင် သွန်းလောင်းခဲ့ခြင်းဖြစ်သည် ။ ပုထိုးတော်ကြီးကိုမူကား
အပြီးသတ် တည်ဆောက်နိုင်ခြင်း မရှိခဲ့ပေ ။ အလေးချိန် ၅၅၅၅၅ ပိဿာ (တန် ၉၀) ခန့်ရှိသော
မင်းကွန်းခေါင်းလောင်းသည် ၎င်းထက် သုံးဆခန့် ကြီးသော မော်စကိုမှ ခေါင်းလောင်းကြီးပြီးလျှင်
ကမ္ဘာပေါ်တွင် ဒုတိယအကြီးဆုံး ခေါင်းလောင်းကြီး ဖြစ်သည် ။ မင်းကွန်းခေါင်းလောင်းကြီး
ချိတ်ဆွဲထားရာတိုင်များမှာ မြန်မာသက္ကရာဇ် ၁၂၀၀ ပြည့်နှစ် ၊ (အေဒီ - ၁၈၃၉ ခုနှစ်) မြေငလျင်ဒါဏ်ကြောင့်
ပျက်ဆီးသွားခဲ့သည် ။ ခေါင်းလောင်းတော်ကြီးကို လက်ရှိ ချိတ်ဆွဲထားသော သံယက်မကြီးကိုမူ
နှောင်းခေတ်တွင်မှ ပြုလုပ်ထားခြင်းဖြစ်သည် ။ မင်းကွန်းခေါင်းလောင်းတော်ကြီး၏အတိုင်းတာမှ
အောက်ပါအတိုင်းဖြစ်ပါသည် -
၁ ။ နှုတ်ခမ်းဝအချင်း (အပြင်ဘက်မှ တိုင်းတာလျှင်)
- ၁၆ ပေ ၊ ၃ လက်မ ။
၂ ။ အတွင်းပိုင်းအချင်း (နှုတ်ခမ်းဝအထက်
၄ ပေ ၈ လက်မအထက်မှ တိုင်းတာလျှင် - ၁၀ ပေ ။
၃ ။ အမြင့် (အတွင်းပိုင်းမှ တိုင်းတာလျှင်) - ၁၁ ပေ ၊ ၆ လက်မ ။
၄ ။ အမြင့် (အပြင်ပိုင်းမှ တိုင်းတာလျှင်)
- ၁၂ ပေ ။
၅ ။ အတွင်းပိုင်းအချင်း (ထိပ့်ပိုင်းတွင်
တိုင်းတာလျှင်) - ၈ ပေ ၊ ၆ လက်မ ဖြစ်သည် ။
မင်းကွန်းခေါင်းလောင်းကြီး သွန်းလုပ်ဖြစ်သည့်အကြောင်းအရာ
-
အလောင်းမင်းတရား လက်ထက်ကနေ ဘိုးတော်ဘုရားလက်ထက်တိုင် စစ်ပွဲရဲ့ ပြယုဂ်တွေ ဖြစ်တဲ့
အမြှောက်ဆန်တွေ ကြေးအမြှောက်တွေကို နန်းရင်ပြင်မှာ စုပုံထားပါသတဲ့။ ကာနယ်ဆိုင်းက ဒီလိုစုပုံမထားဘဲ
သေသေချာချာ စနစ်တကျ လုပ်သင့်တယ်လို့ ပြောပါတယ်။ ဘိုးတော်ဘုရားကလည်း ကြေးအမြောက်တွေကို
ဘာလုပ်ရမှန်းမသိ ဖြစ်နေတဲ့အချိန်ပါ။ ဗုဒ္ဓဘာသာနဲ့ ပတ်သက်ပြီး အများကောင်းမှုနဲ့ ခေါင်းလောင်းသွန်းဖို့
ကာနယ်ဆိုင်းက အကြံပေးပါသတဲ့။ ထို့နောက်မှ ယင်းခေါင်းလောင်းကြီးကို သွန်းလုပ်ခဲ့ခြင်း ဖြစ်ပါတယ် ။
#htoohtoolay
Comments
Post a Comment