Norse gods ဒဏ္ဏာရီ

Norse gods ဒဏ္ဏာရီ
-----
ကျွန်ုပ်တို့ ယခုလေ့လာမည့် Norse ဒဏ္ဏာရီမှ ကမ္ဘာတည်ပုံသည် အဆင့် လေးဆင့် ရှိကြောင်း တွေ့ရသည် ။
၎င်းတို့မှာ -

၁ - ကမ္ဘာကြီးနှင့် အရာအားလုံးကို ဖန်တီးသော အဆင့် ။
၂ - အချိန်စတင်သည့်အတွက် ပြောင်းလဲနေသော အဆင့် ။
၃ - Ragnarök တွင် ကမ္ဘာပျက်ဆီးပုံ အဆင့်နှင့်
၄ - ပင်လယ်မှ ကမ္ဘာအသစ် ပေါ်ပေါက်သည့် အဆင့်တို့ ဖြစ်ကြသည် ။

ဘာမျှမရှိသည့် အချိန်ကာလတွင် ရေခဲ Niflheim နှင့် Muspelheim ( အခြားသော အရင်းအမြစ်များကို Muspell ဟု ခေါ်သည် ) ၏ ဘုံများသာ ရှိလေသည် ။ Muspelheim များ အရည်ပျော်ဝင်လာမှုတို့ကြောင့် အအေးနှင့် အပူသည် တစ်ဖြေးဖြေး တိုးပွားလာပြီး ရလဒ်အနေဖြင့် စိုစွတ်နေသော အရာနှစ်ခု ထွက်ပေါ်လာလေသည် ။ ၎င်းမှာ Ymir နှင့် Audhumla တို့ဖြစ်သည်။ Audhumla သည် ရေခဲများကို ဖြတ်ကျော်၍ နတ်ဘုရားများ၏ ဘိုးဘေးဘူရီကို ရှာတွေ့ခဲ့သည် ။ သူ၏သား Borr သည် ဧရာမ Bestla နှင့် ပူးပေါင်း၍ ပထမဆုံးသောနတ်ဘုရားများ Odin ၊ Vili နှင့်Vé တို့ကို ဖန်တီးခဲ့သည်။ ထိုသုံးဉီးသည် Ymir ကိုသတ်ကာ သူ၏ ခန္ဓာကိုယ်နှင့် ရုပ်ကျွင်းကို အသုံးပြု၍ ကမ္ဘာကို ဖန်တီးခဲ့တော့၏ ။ အသွေးအသားက မြေကြီး ၊ ဉီးခေါင်းခွံက မိုးကောင်းကင်နှင့် မိုးတိမ် ၊ ပထမဆုံး လူသားစုံတွဲဖြစ်သည့် Ask နှင့် Embla သည် သစ်ပင် နှစ်ပင်နှင့် သစ်သားအပိုင်းအစများဖြင့် ဖန်တီးခဲ့သည်ဟု ဆိုသည် ။

လူသားများ ပေါ်ပေါက်လာသည့်အခါ အဆင့် အသစ်တစ်ခု စတင်သည် ။ ၎င်းမှာ အချိန်ကုန်လာခြင်းဖြစ်ပြီး နတ်ဘုရားများနှင့် အခြားသော သတ္တဝါများမှာ Ragnarök တွင် နေထိုင်ကြသည် ။ အချိန်နှင့် နေရာ၏ ဝင်ရိုးအရ ကမ္ဘာ့အပင်ဖြစ်သော Yggdrasil သည် Asgard နတ်ဘုရားများ၏ နေထိုင်ရာတွင် တည်ရှိပြီး ၎င်း၏အမြစ်များမှာ လူသားများနေထိုင်သော Midgard အပါအ၀င် အခြားနယ်ပယ်အားလုံးအထိရောက်သည် ။

Nidhogg ဟုခေါ်သော သေမင်း ၏ နဂါးသည် အမြစ်ပေါ်တွင် တွယ်ကပ်နေသည်။ Norns ဟု လူသိများသော ကံကြမ္မာသုံးခုသည် သစ်ပင်အောက်ခြေတွင် လူ့အသက်များ၏ကံကြမ္မာကို စောင့်ရှောက်သည် ။ ဧရာမ သစ်ပင်တစ်ပင်နှင့် မလုံလောက်သကဲ့သို့ ပတ်ဝန်းကျင်ရှိ ပင်လယ်သည် Midgard မြွေကြီး နေထိုင်ရာ နေရာဖြစ်သည် ။ သူသည် ကမ္ဘာတစ်ဝှမ်းလုံးသို့ လှည့်ပတ်နေသည် ။ ၎င်းသည် Thor နတ်ဘုရားနှင့် တိုက်ခိုက်ရာ၌ Thor နှင့်အတူ သေပွဲဝင်ခဲ့ရသော မြွေနဂါးကြီး ဖြစ်သည် ။
နောက်ဆုံးတွင် ဤမျှ အေးချမ်းနေသော အခြေအနေသည် ပရမ်းပတာ ဖြစ်သွားခဲ့ရသည် ။ ၎င်းမှာ Ragnarök - ဘုရားများ၏ နောက်ဆုံးကံကြမ္မာလည်း ဖြစ်သည်။ အေးခဲသော ဆောင်းရာသီမှ စတင်ကာ ဆိုးရွားလာခဲ့ရာမှ ကမ္ဘာကြီးသည် ပင်လယ်ထဲသို့ ကျဆင်းသွားခဲ့တော့၏ ။ ဝံပလွေ Fenrir သည် ပြိုကွဲလာသော နေကို ဖျက်ဆီးလိုက်သည် ။ ပျက်ဆီးလာသော မြေကြီးများက အလွန်အေးခဲလွန်းအားကြီးသောကြောင့် လှုပ်ခါပြီး Bifröst တံတား ကြီးသည် Asgard နှင့် Midgard အကြား ပြိုကျသွားတော့သည် ။ ရုန်းရင်းခတ် တုန်လှုပ်နေကြသော နတ်ဘုရားများသည် ပိတ်စို့နေသော မြေအောက်ကမ္ဘာ၏ အင်အားကို တိုက်ခိုက်ရန်အတွက် အဖွဲ့တစ်ခုကို ဖွဲ့စည်းလိုက်တော့၏ ။

၎င်းတိုက်ပွဲတွင် Odin သည် နေကို ဖျက်ဆီးနေသော Fenrir မြေခွေး၏လက်ချက်ဖြင့် သေဆုံးခဲ့ပြီး Thor သည် Midgard မြွေနဂါးကို သတ်ပစ်နိုင်သော်လည်း ၎င်း၏အဆိပ့်ဖြင့် သူသည်လည်း သေပွဲဝင်ခဲ့ရရှာလေသည် ။ ထိုတိုက်ပွဲတွင် Norse များ အနိုင်ရခဲ့သော်လည်း နတ်ဘုရား အများအပြား သေဆုံးခဲ့ရပြီး ကမ္ဘာကြီးသည် မီးလောင်မြှိုက်ခြင်း ခံခဲ့ရသည် ။ ကံကောင်းသည်က ၎င်းသည် ပျက်ဆီးခြင်း အဆုံး မဟုတ်သေးပေ ။ ပင်လယ်ပြင်မှ ကမ္ဘာသစ်တစ်ခု ပေါ်ထွက်လာလေသည် ။ လက်တစ်ဆုပ်စာ ဘုရားများသာ ကျန်ရှိနေခဲ့သော်လည်း ကမ္ဘာအသစ်တွင် အစဉ်အဆက် ပျော်ရွှင်စွာ နေထိုင်နိုင်ရန် ဘုရားမျိုးဆက်သစ်များသာမက လူသားမျိုးနွယ်များပါ နေထိုင်လာခဲ့ကြသည် ။

နတ်ဘုရားများကိုလည်း အုပ်စုနှစ်မျိုး ခွဲခြားထားသည် ။ ပထမအဖွဲ့မှာ စစ်တပ်နှင့် အုပ်ချုပ်သူများ၏ အဆက်အနွယ်ဖြစ်သော biggersir မိသားစုကြီးရှိပြီး အဓိက ထီးနန်းဆက်ခံအုပ်ချုပ်သည့် အဖွဲ့ဖြစ်သည် ။ ၎င်းတွင် Odin, Thor, Loki , Baldr, Hodr, Heimdall နှင့် Tyr စသည့် ထင်ရှားကျော်ကြားသူများ ပါဝင်သည် ။

ဒုတိယ အုပ်စုမှာ Vanir မိသားစုဖြစ်ပြီး Njord, Freyr နှင့် Freyja ကဲ့သို့ မျိုးပွားနိုင်သည့် ဘုရားမများ ပါ၀င်ကြသည်။ Asgard တွင်နေထိုင်သောသူများအားလုံးအနေဖြင့် ၄င်းတို့သည် အမြဲတမ်း မျက်လုံးချင်းမဆုံမိအောင် နေကြရသည် ။ Odin သည် မျက်လုံးတစ်ဖက်ပျက်နေသော နတ်ဘုရားဖြစ်သည့်အတွက်ကြောင့်ဟု ယူဆဖွယ်ရှိသည် ။ စင်စစ်အားဖြင့် သူတို့သည် စစ်ပွဲများနှင့် ထိပ့်ထိုက် ဆုံတွေ့ကြသော်လည်း ငြိမ်းချမ်းရေးရပြီးနောက်ပိုင်းတွင် သူတို့၏ မိသားစုများကို လက်ထပ်ထိမ်းမြားခြင်းဖြင့် တည်ငြိမ်အေးချမ်းမှုကို ရယူကြ၏ ။

#htoohtoolay