ပျောက်ဆုံးနေသော မြို့တော်

-----

လူများသည် သမိုင်းနှင့်ပတ်သတ်၍ ယခင်က အမှန်တကယ်တည်ရှိခဲ့သော မြို့တော်ကြီးများကို မေ့လျော့နေခဲ့ခြင်းမှာ နှစ်ပေါင်း ရာထောင်ချီ ရှိခဲ့ပြီဖြစ်သည် ။ အချို့မြို့ကြီးများမှာ သဘာဝဘေးအန္တာရာယ်များကြောင့်ဖြစ်စေ ၊ စစ်ပွဲများကြောင့်ဖြစ်စေ ၊ စီးပွားရေး ကျဆင်းခြင်းကြောင့်ဖြစ်စေ ထိုမြို့ရှိ ဒေသခံ လူမျိုးများသည် ၎င်းတို့၏ မြို့တော်များကို စွန့်ပစ်ကာ ရေကြည်ရာ မြက်နုရာဆီသို့ ပြောင်းရွေ့နေထိုင်ခဲ့ကြသည် ။

၎င်း တို့ စွန်ုပစ်ခဲ့သော မြို့များမှာ အချိန်ကြာလာသည်နှင့်အမျှ တစ်စတစ်စ ကွယ်ပျောက်လျက်ရှိကာ သမိုင်းကောက်ကြောင်းနှင့် သက်ဆိုင်သည့် အချက်အလက်များကို သိမ်းဆည်းထားနိုင်ခြင်းမရှိသည့် စစ်ပွဲအချိန်ကာလများတွင် ၎င်းတို့သည် ပုံပြင်ဆန်သော ဒဏ္ဏာရီဘဝသို့ ကျရောက်သွားလေတော့၏ ။ ထိုကဲ့သို့ စွန့်ပစ်ခံမြို့များမှာ ကမ္ဘာတစ်ဝှမ်း၌ အနှံ့အပြား တည်ရှိနေတော့၏ ။

ဤသို့ ပျောက်ဆုံးနေသော မြို့တော်များကို စတင်ရှာဖွေခြင်းလုပ်ငန်းအား လွန်ခဲ့သော ၁၅ ရာစုလောက်ကမှနေ၍ ယနေ့အချိန်ထိတိုင် ပညာရှင်များ ပူးပေါင်းကြလျက် အင်တိုက်အားတိုက် လုပ်ဆောင်လာခြင်းအား ဝမ်းမြောက်ဖွယ် တွေ့ရှိရလေသည် ။

ထိုသို့ ပျောက်ဆုံးနေသော မြို့တော် အများအပြားအတွင်းမှ အလွန်လှပသော မြို့တော်တစ်ခုကို ယခု လေ့လာကြည့်ကြမည် ။ ထိုမြို့တော်၏ အမည်မှာ Machu Picchu ဖြစ်သည် ။

သူသည် အင်ကာမြို့ဖြစ်ပြီး Urubamba ချိုင့်ဝှမ်းအထက်ရှိ တောင်တန်းတစ်ခုပေါ်တွင် တည်ရှိသည်။ ရေှးဟောင်း သုတေသနပညာရှင်များသည် ၎င်းမြို့တော်အား ၁၅ ရာစုနှင့် ၁၆ ရာစုလောက်က အင်ကာအင်ပါရာ၏ ဧကရာဇ်ဘုရင် ပါချာကူတီ အတွက် တည်ဆောက်ခဲ့ခြင်းဖြစ်သည်ဟု ယုံကြည်နေကြ၏ ။

ထိုမြို့တော်အား စပိန်တို့က ၁၅၇၂ ခုနှစ်တွင် ဝင်ရောက်သိမ်းပိုက်ခဲ့သည့်အတွက် ၎င်းမြို့တော်ကို စွန့်ခွာထွက်ပြေးခဲ့ရသည် ။ ထို့အပြင် ထိုမြို့တော်အတွက် ကျောက်ရောဂါကပ်ဘေး ဆိုက်ရောက်ခဲ့သည့်အတွက် မြို့တော်ကြီးသည် လျင်လျင်မြန်မြန် ပြိုကွဲပျက်ဆီးခဲ့ရသည်ဟု ဆို၏ ။ ဤသို့ဖြင့် ထိုမြို့တော်ကြီးသည် နှစ်ပေါင်း ရာချီ၍ ကမ္ဘာ့မြေပေါ်မှ တိမ်မြှပ်ပျောက်ကွယ်သွားရတော့သည် ။

ထိုသို့ ပျောက်ဆုံးနေသော မြို့တော်ကြီးအား ပြန်လည် တွေ့ရှိခဲ့သည်မှာ ၁၉၁၁ ခုနှစ်တွင် အမေရိကန်သမိုင်းပညာရှင် ဟီရမ်ဘင်ဟမ် က ရှာဖွေတွေ့ရှိခဲ့ခြင်းဖြစ်သည် ။ သို့တော် တစ်ချို့က သာသနာပြုဘုန်းကြီးများက ပထမဆုံး တွေ့ခဲ့ခြင်းဖြစ်သည်ဟု ယုံကြည်နေကြ၏ ။ ထိုမြို့တော်၏ အလှတရားအား POST ပါ PHOTO တွင် ကြည့်ရှုလေ့လာနိုင်သည် ။

#htoohtoolay