နွားနှင့် မြင်း ပုံပြင်

နွားနှင့် မြင်း
-----
တစ်ခါက ​မြင်းနဲ့နွားဟာ ​တောင်သူကြီးတစ်​ယောက်ဆီမှာ ​မွေးထားခြင်း ခံရသတဲ့ ။ ​တောင်သူကြီးဟာ အလွန်ထူးဆန်းတယ် ။ ​ဘာကြောင့်လဲဆို​တော့ သူဟာ တိရိစ္ဆာန်​တွေရဲ့စကားကို နားလည်လို့ပဲ ဖြစ်တယ် ။ ဒါ​​ပေမယ့် သူက နားလည်​ပေမယ့် ပြန်မ​ပြောရဘူးတဲ့ ။ အဲ့လို ​တစ်ဦးတစ်​ယောက်ကို ပြန်​ပြောလိုက်မယ်ဆိုရင် သူဟာ အဲ့ဒီ့​နေရာမှာပဲ ​သေရမှာဖြစ်တယ် ။

 တစ်​နေ့​တော့ ​တောင်သူကြီးဟာ မြင်းနဲ့ နွားတို့ရဲ့ အချင်းချင်း ​​​ပြောဆိုကြပုံကို အမှတ်မထင် ကြားလိုက်ရတာ​ကြောင့် အနားနားတိုးပြီး သူတို့မသိ​​အောင် နား​ထောင်​နေသတဲ့ ။

 နွားက​ပြောတယ် ။ မင်းဟာ ​တော်​တော် ကံ​ကောင်းတဲ့​ကောင်ပဲ ။ အလုပ်ဆိုလဲ ​​ပေါ့​ပေါ့ပါးပါး​လေး​တွေ လုပ်ရတယ် ။ စားစရာဆိုရင်လဲ ​ကောင်း​ပေ့ဆိုတဲ့ အရာ​တွေပဲ ။ သခင်က မင်းကို ဂရုတစိုက်နဲ့ ဆူပူသံ​တောင် သိပ့်မကြားရဘူး ။ ငါတို့နွား​တွေက​​တော့ ကံမ​ကောင်းဘူး ။ တစ်​နေကုန် ​လေးလံတဲ့ ထမ်းပိုးကိုတင်ပြီး ရွှံ့ညွှံထဲမှာ ရှုန်းကန်​နေရ​ပေမယ့် မြက်​တွေပဲ စားရတယ် ။ သခင်က ဆူလိုက်ပူလိုက်နဲ့ ရိုက်နှက်တာလဲ ခံရသတဲ့ ။

 အဲ့အခါ မြင်းက​​ပြောတယ် ။ မင်းတို့ နွား​တွေဟာ သိပ့်ကို နွားကျလွန်းတာ​ကြောင့် အခုလို သခင်ဆက်ဆံတာကို ခံရတာ​ပေါ့တဲ့ ။ မင်းတို့က ညာဏ်သုံးသင့်တယ်လို့​ပြောတယ် ။ အဲ့အခါ နွားက မြင်းရဲ့ ညာဏ်သုံးပုံကို​မေး​​တော့ မြင်းက အကြံ​ပေးတယ် ။ သခင်ခိုင်းရင် ​ပေကပ်ကပ်လုပ် ၊ မြက်​​ကျွေးရင် မစားနဲ့ ။ ထမ်းပိုးတင်ရင် ရှုန်းပစ် ။ ​​နေမ​ကောင်းချင်သလိုလို ​ခွေ​နေ လို့ ​ပြောတယ် ။ 

အဲ့အခါ နွားကလည်း အဲ့ဒီ့အကြံအတိုင်း လုပ်ဖို့ ဝန်ခံ​လေသတဲ့ ။

 သူတို့နှစ်​ကောင်​ပြော​​​နေတာကို ​တောင်သူကြီးက ကြား​တော့ ရယ်တယ် ။ ဒါ​ပေမယ့် မသိချင်​​ယောင်ပဲ​ဆောင်ပြီး မနက်လင်းတဲ့အခါ ခါတိုင်းလိုပဲ နွားကို လယ်ထွန်သွားဖို့ ပြင်ဆင်သတဲ့ ။ အဲ့မှာ နွားက မြင်းရဲ့အကြံအတိုင်း ဆန္ဒပြတာ​ပေါ့ ။ ဘယ်လိုမှ လုပ်လို့ မရတဲ့အဆုံး ​တောင်သူကြီးဟာ နွားကို အစား​ကောင်း​တွေလည်း ​ကျွေးတယ် ။ အလုပ်လည်း မခိုင်း​​တော့ပဲ သက်သက်သာသာပဲ ​​နေစေသတဲ့ ။

 ဒါ​ပေမယ့် မြင်းက​​​တော့ မသက်သာပါဘူး ။ နွားမရှိတဲ့အခါ ​တောင်သူကြီးက မြင်းကို နွားရဲ့ အလုပ်​တွေ ခိုင်း​စေသတဲ့ ။ ဒါ​ကြောင့် မြင်းဟာ နွားရဲ့အလုပ်​တွေကို တစ်​​နေကုန် ပင်ပင်ပန်းပန်း လုပ်​နေရတာ​​ပေါ့ ။

 ဒီလိုနဲ့ ညဘက်​ရောက်တဲ့အခါ မြင်းနဲ့နွားဟာ တစ်ဖန် စကား​ပြောပြန်သတဲ့ ။ ​တောင်သူကြီးကလည်းသူ​တို့​တွေ ဘာ​တွေ​ပြောလဲဆိုတာ သိချင်တာမို့ တိုးတိုး​လေး နားထောင်​နေသတဲ့ ။

 အဲ့အခါ နွားက စ​ပြောတယ် ။ အ​​ဆွေ​ပေးတဲ့အကြံဟာ သိပ့်​ကောင်းတာပဲ ။ မိတ်​ဆွေ​ကောင်းဆိုတာ ဒါမျိုးကို ​ပြောတာ​နေမယ် ။ အခု အ​ဆွေ​ပေးတဲ့အကြံ​ကြောင့် ဒီ​နေ့ဟာ ပင်ပန်း​တာ​တွေ မလုပ်ရတဲ့အပြင် စား​ကောင်း​သောက်ဖွယ်​တွေလဲ အများချည်း စားလိုက်ရသတဲ့ ။ နွားက မြင်းကို ​ကျေးဇူးတင်​ကြောင်း ​ပြောဆို​နေတဲ့အချိန်မှာ မြင်းက​တော့ ပင်ပန်းလွန်းတာ​ကြောင့် စကား​တောင် ​ကောင်း​ကောင်း ပြန်မ​ပြောနိုင်ရှာဘူးတဲ့​လေ ။ 

အဲ့အခါ နွားက ဆက်​ပြောတယ် ။ မနက်ဖြန်လဲ ဒီအတိုင်းပဲ ဆန္ဒပြရမယ်လို့ ​​ပြော​တော့ မြင်းက ပြာပြာသလဲ ဒီစကားကို ဆိုသတဲ့ ။

 မလုပ်နဲ့ မလုပ်နဲ့ ။ မင်း မနက်ဖြန်မှ ဆက်လုပ်​နေရင် သခင်က မင်းကို နွားသတ်ရုံ ပို့လိုက်လိမ့်မယ်တဲ့​လေ ။ 

အဲ့အခါမှ ​​​နောက်တစ်​နေ့ မနက်လဲ​ရောက်​ရော နွားလည်း နွားရဲ့ အလုပ်ကို ပုံမှန်ပြန်လုပ်ပြီး မြင်းလည်း မြင်းရဲ့အလုပ်မှာ ပြန်လည် ​ရောက်ရှိပါ​တော့သတဲ့ ။

 - မှတ်သားဖွယ်  ​

လောကမှာ သူ့​​နေရာနှင့်သူ ရှိ​​​နေခြင်းဟာ အ​ကောင်းဆုံး ဆုလာဘ် ဖြစ်တယ် ။

 #ဆက်ရန် . . .

 #htoohtoolay