အီဂျစ်က တွေ့ရှိသည့် ကျောက်သေတ္တာတစ်ခု

အီဂျစ်က တွေ့ရှိသည့် ကျောက်သေတ္တာတစ်ခု

-----

• Thutmose 2 ၏ သင်္ချိုင်းအနီး တွေ့ရှိခဲ့သော ကျောက်သေတ္တာတစ်လုံးအား အီဂျစ်ရှေးဟောင်းသုတေသနပညာရှင်များက ထုတ်ဖော်ပြသခဲ့သည် ။ အဆိုပါ သေတ္တာအား ရှေးဟောင်းသုတေသနပညာရှင်များက thytmose 2 ၏ ဂူအနားတွင် တူးဖော်မှုများ ပြုလုပ်နေစဉ်အတွင်း မတော်တဆ တွေ့ရှိခဲ့ခြင်း ဖြစ်လေသည် ။ ၎င်းသေတ္တာသည် ကျောက်သားဖြင့် ပြုလုပ်ထားခြင်းဖြစ်ပြီး လွန်ခဲ့သော နှစ်ပေါင်း ၃၅၀၀ ကျော်လောက်က သေဆုံးခဲ့သော ဖာရောဘုရင် သု ၂ ၏ ပျောက်ဆုံးနေသေတ္တာအဖြင့် မှတ်ယူနိုင်သဖြင့် သုတေသီများက အလွန်အရေးကြီးကြောင်း မှတ်ယူထားကြ၏ ။
• ပါမောက္ခ Andrejz Niwiński ဦးဆောင်သော Warsaw ရှေးဟောင်းသုတေသနတက္ကသိုလ်မှ ရှေးဟောင်းသုတေသနပညာရှင်အဖွဲ့တစ်ဖွဲ့က တွေ့ရှိခဲ့ခြင်းဖြစ်သည်။ ၎င်းကို အီဂျစ်ရှိ Deir el-Bahari ဆိုသောနေရာ ၊ နိုင်းလ် ကမ်းခြေတွင် ရှာဖွေတွေ့ရှိခဲ့သည်။ ၎င်းသည် ကျော်ကြားသော Luxor နှင့် Karnak နေရာများနှင့် မနီးမဝေးတွင် တည်ရှိသည်။ Deir el-Bahari သည် ဧရာမအဆောက်အအုံကြီးတစ်ခုဖြစ်ပြီး Hatshepsut တွင်ကျော်ကြားသော Mortuary Tomb အပါအ၀င် အထိမ်းအမှတ်အဆောက်အဦးများ ဖြစ်ကြသည်။ ပိုလန်အဖွဲ့များသည် ဤဒေသတွင် ၁၉၆၀ ပြည့်နှစ်များကတည်း သုတေသနပြုလုပ်ဆောင်ခဲ့ခြင်း ဖြစ်ကြသည် ။
• သုတေသီများသည် ၎င်းသေတ္တာအား အပျက်အဆီးများအကြားမှ မတော်တဆ တွေ့ရှိခဲ့ခြင်းဖြစ်ကာ ထိုသေတ္တာသည် ဗိမ္မာန်တည်ဆောက်မှုအတွက် အကာအကွယ် အရံအတားတစ်ခုမျှ ဖြစ်သည်ဟု ယူဆကြသည် ။ ထိုကျောက်တုံးသည် အမြင့် ၄၀ စင်တီမီတာ (၁၆ လက်မ) ရှိသည်။ ထိုသေတ္တာအတွင်း၌ အံ့ဩစရာကောင်းသည့် ပစ္စည်းများ ပါဝင်ကြသည် ။ ထိုပစ္စည်းများကို ပိတ်ချောထည်များဖြင့် အသေအခြာ ထုတ်ပိုးထား၏ ။ စုစုစပေါင်း ပိတ်ချောထုတ် သုံးခု ပါရှိသည် ။ ပထတစ်ခု၌ ဘာသာရေးကို ရည်ညွှန်းအနစ်နာခံထားသည့် (စတေးခံ) ငန်းအရိုးစု ဖြစ်သည် ။ ဒုတိယတစ်ခုမှာ ကြက်ဉပုံသဏ္ဏာန် ဉ တစ်ခု ဖြစ်သည် ။ နောက်တစ်ခုမှာ ဘာသာရေးယုံကြည်ချက်များအရ အီဘစ်စ်ဉ ကို တွေ့ရှိခဲ့သည် ။ အီဘစ်စ် သည် ရှေးအီဂျစ်လူမျိုးအတွက် ကြီးမားသော သင်္ကေတအဓိပ္ပာယ်ရှိသည့် ငှက်ဖြစ်သည် ။

#htoohtoolay