ကျေးဇူးဆိုတာ ဘောင်ထဲမှာပဲ ရှင်သန်ခွင့် ရှိကြတယ် !
------
ပုံပြင်လေးတစ်ပုဒ်ပါ ။ တော်တော်တော့ စိတ်ဝင်စားစရာကောင်းတယ် ။ အကြောင်းအရာလေးက ဒီလို -
တစ်ခါက ပင်လယ်ပြင်ခရီးကို မြေးအဖိုး(အဘိုးတစ်ခု မြေးတစ်ခု (ဝါ) နှစ်ကောင်ကြွက်) နှစ်ယောက်ဟာ လှေတစ်စီးနဲ့ ခရီးထွက်ကြတယ် ။ လှေက အကြီးကြီးလဲ မဟုတ်သလို အသေးလေးလဲ မဟုတ်ပြန်ဘူး ။ သူတို့ နှစ်ယောက်အတွက် ရက်ရှည်ခရီးကို ကောင်းကောင်း ပို့ဆောင်နိုင်တဲ့ အနေအထားမျိုးပါပဲ ။ ဖြစ်ချင်တော့ သူတို့ သင်္ဘောဟာ ပင်လယ်ပြင်အလယ်မှာ လေမုန်တိုင်းမိကြတယ် ။ ထုံးစံအတိုင်း ရွက်တွေ သိမ်းမယ် ။ ပစ္စည်းတွေကို ခိုင်ခံ့အောင်ချည်နှောင်မယ် - စသည်ဖြင့် - အဲ့လို ကိစ္စအဝဝကို ခေါင်းချင်းဆိုင် မတိုင်ပင်ရပဲ မြေးကလဲ မြေးအလျောက် လုပ်တယ် ။ အဘိုးကလဲ အဘိုးအလျှောက် လုပ်တယ် ။ ဒီလိုနဲ့ မုန်တိုင်းလဲ စဲရော ပစ္စည်းတွေကို ပြန်စစ် - ဘာတွေ ဆုံးရှုံးလဲဆိုတာ ကြည့်ရှုရှာဖွေလေတော့ ပြဿနာတစ်ခုကို သွားတွေ့တယ် ။
အဲ့ဒါက သင်္ဘောကိုယ်ထည်ရဲ့ အောက်ဘက်ခြမ်းပိုင်းက သစ်တစ်ချပ်က ကျိုးသွားလေရဲ့ ။ အဲ့အခါမှ အဲ့ ပတ်ဝန်းကျင်က သစ်တွေကို သတိထားကြည့်မိတော့ ဆွေးနေပြီဖြစ်တဲ့ အခြေအနေတစ်ခုကို သွားတွေ့တော့တယ် ။ ဒီအတိုင်းဆို သင်္ဘောက ကမ်းမရောက်သေးပဲ ပင်လယ်ရေအောက်ကမ္ဘာမှာ စံမြန်းရကိန်းဖြစ်ပြီ ။
ဆိုတော့ကာ မြေးက အဖိုးကို မေးတယ် ။ ဘာလုပ်ကြမလဲတဲ့ ။ အဘိုးက အမေးမဆုံးခင် ငါတို့ မြန်မြန် ဖာရမယ်လို့ ပြောတယ် ။ အဲ့ဒါနဲ့ သစ်က လုံလုံလောက်လောက်မပါလာတော့ ကုန်းဘက်ခြမ်းက လျှောက်လမ်းတစ်ခုကို ဖျက်ဆီးပြီး ထွက်လာတဲ့ သစ်အပိုင်းအစတွေနဲ့ အပေါက်ကို ဖာကြတယ် ။ အခြေအနေက ထင်သလောက် မကောင်းဘူး ။ ဟိုဖာ ဒီပေါက်ပဲ ။ ဒီလိုနဲ့ ရွက်လွှင့်လာလိုက်တာ နေ့စဉ်မပျက် ဖာလိုက် ပေါက်လိုက်မို့ မြေးက အဘိုးကို ရယ်ရယ်မောမောနဲ့ ပြောလိုက်တာက အဘိုးသင်္ဘောက ဖာသင်္ဘောကြီး ဖြစ်နေပြီတဲ့ ။ အဘိုးကလဲ သဘောကျလွန်းလို့ အေး ဟုတ်တယ် ။ ငါ့သင်္ဘောက ဖာလိုက် ပေါက်လိုက်မို့ (ဖာလိုက်ရတဲ့) သင်္ဘောလို့တောင် အမည်ပေးရတော့မယ်လို့ဆိုလိုက်သတဲ့ ။
ဒီလိုနဲ့ သူတို့ဟာ ခက်ခက်ခဲခဲ အလုပ်များလှတဲ့ ခရီးကြမ်းကို ဖြတ်ကျော်လာနိုင်ခဲ့ပြီး ကမ်းကပ်နိုင်ခဲ့တယ် ။ ကမ်းရောက်တော့ သူတို့ အပေါင်းအသင်းတွေကို သူတို့ရဲ့ တွေ့ကြုံခဲ့ရတဲ့ သင်္ဘောအကြောင်း - မုန်တိုင်းအကြောင်းနဲ့ ဒီသင်္ဘောအမည်ကိုပါ ပေးလိုက်တဲ့အကြောင်းတွေ ပြောပြီး ရယ်မော်ပျော်ရွှင်စွာ နေထိုင်သတဲ့ ။
အဲ့လိုနဲ့ အချိန်ကြာလာတော့ သူ့သင်္ဘောဟာ ဖာသင်္ဘောဆိုတဲ့ ဘွဲ့အမည်ကို ရခဲ့ပါပြီ ။ အဘိုးလဲ သေသွားပြီ ။ မြေးကလဲ အိမ်ထောင်တွေကျပြီး ကလေးတွေလဲ ရပြီ ။ အဲ့ကလေးတွေကို သူ့အဖေက အဲ့အကြောင်းတွေကို ပြောပြတယ် ။ ဒီလို ပင်လယ်ပြင်မှာ ငါသာ သေသွားရင် မင်းတို့လဲ ဒီလူ့လောကကို ရောက်လာမှာတောင် မဟုတ်တော့ဘူးလို့ ဆိုသတဲ့ ။
အချိန်တစ်ခု ထက်ကြာသွားပြန်တယ် ။ သူ့သားသမီးတွေဟာလဲ အရွယ်တွေရောက်ပြီး အိမ်ထောင်တွေကျ ။ ကလေးတွေရ ။ အဲ့ဒီ့နောက်ပိုင်းမှာလဲ သင်္ဘောအကြောင်းကို အခါ အခွင့်သင့်တဲ့ အခါ ပြောတက်ကြတယ် ။
နောက်ထက် အချိန်ကြာသွားပြန်ရော ။ အဲ့ကလေးတွေလဲ အရွယ်တွေရောက်ပြီး အိမ်ထောင်တွေကျကြ ။ ကလေးတွေရပြီး နေကြတယ် ။ ဒါပေမယ့် အချိန်နဲ့အမျှ အဲ့သင်္ဘောအကြောင်းဟာ မှေးမှိန်သွားရပြီ ။ တစ်ချို့ မိသားစုဝင်တွေဆိုရင်တောင် မသိကြတော့ဘူးတဲ့ ။
အချိန်တွေက ကုန်မြန်လွန်းတယ် ။ ဆွေစဉ်မျိုးဆက်ခရီးက ရှည်လျားလာတော့ သင်္ဘောအကြောင်းဟာ ဒဏ္ဍာရီသဖွယ်ပဲ ဖြစ်နေတော့တယ် ။ အဲ့နောက်မှ ဒီ ဖာသင်္ဘော အမည်တစ်ခုသာ သူတို့ နောက်ပိုင်းမိသားစုဝင်တွေက သိရှိကြတော့တယ်တဲ့ ။
ဒါပေမယ့် သူတို့က အဲ့ဖာသင်္ဘောကြီးကြောင့် ငါတို့ ဆွေစဉ်မျိုးဆက်ဆိုတာ ဖြစ်လာတာဆိုတဲ့ အဖြစ်ကို လက်မခံဘူးလို့ဆိုကြတယ် ။ ဖာအိမ်ဆိုတဲ့ အဓိပ္ပါယ်ဟာ သူတို့လက်ထက်မှာ sex house ဖြစ်နေပြီလေ ။ ဒါဆို Sex သင်္ဘောကြီးလို့ ခေါ်ရမလိုပေါ့ ။ နောက်ပိုင်းမှာ သူတို့မိသားစု ဆွေစဉ်မျိုးဆက်ဟာ ဒီ ဖာသင်္ဘောကြီးရဲ့ ကျေးဇူးဆိုတာ မရှိခဲ့တဲ့ အဖြစ်အပျက်ကြီးတစ်ခုပါလို့ အားလုံးသဘောတူညီစွာ သတ်မှတ်လိုက်ကြပါတော့သတဲ့ ။
#htoohtoolay
Comments
Post a Comment