“ကမ္ဘာကို ကယ်တင်ခဲ့တဲ့လူ”

၁၉၆၂ ခုနှစ်အတွင်းက နျူကလီးယားစစ်ပွဲဖြစ်ဖို့ ၃၅ မိနစ်အလိုဖြစ်တယ် ။ ဒီဓာတ်ပုံနဲ့ ဇာတ်လမ်းက ကမ္ဘာ့သမိုင်းမှာ အတော်လေးကို ကြောက်စရာကောင်းတဲ့ အခိုက်အတန့်တစ်ခုပါ။ 

၁၉၆၂ ခုနှစ် ကျူးဘားဒုံးပျံအကျပ်အတည်း (Cuban Missile Crisis) အတွင်း အောက်တိုဘာ ၂၇ ရက်နေ့မှာ ဆိုဗီယက် B-59 ရေငုပ်သင်္ဘော (nuclear submarine) ဟာ အမေရိကန်ရေတပ်ရဲ့ ကာရေဘီယံပင်လယ်ထဲမှာ ပိတ်ဆို့မှုကို ဖြတ်ကျော်ဖို့ ကြိုးစားနေခဲ့ပါတယ်။

အမေရိကန်ရေတပ်က အဲ့ဒီရေငုပ်သင်္ဘောကို ရှာတွေ့ပြီး အသံဗုံးတွေ (depth charges) နဲ့ ဖိအားပေးခဲ့တယ်။ ရေငုပ်သင်္ဘောထဲမှာ ဆက်သွယ်ရေးလည်း ပြတ်တောက်နေပါတယ်၊ အပူချိန်က ၃၈-၄၅ ဒီဂရီအထိ တက်နေပြီး လေထုထဲက ကာဗွန်ဒိုင်အောက်ဆိုဒ်ပမာဏ များလွန်းလို့ အရာရှိတချို့ သတိလစ်သွားတဲ့အထိ ဖြစ်ခဲ့ရပါတယ်။

အဲ့ဒီရေငုပ်သင်္ဘောထဲမှာ နျူကလီးယားဒုံးပျံပါတဲ့ တိုပီဒို (15 kiloton nuclear torpedo) တစ်လက် တင်ဆောင်ထားတယ်။ အဲ့ဒီတိုပီဒိုကို ပစ်လိုက်ရင် ဟီရိုရှီးမားဗုံးလောက်ကို ဖျက်ဆီးနိုင်စွမ်းရှိနေပါတယ်။ 

သင်္ဘောခေါင်း (Captain Valentin Savitsky) နဲ့ နိုင်ငံရေးအရာရှိ (Political Officer Ivan Maslennikov) တို့ နှစ်ယောက်လုံး စစ်ပွဲ စတင်ပြီးပြီလို့ ထင်ပြီး နျူကလီးယား တိုပီဒိုနဲ့ အမေရိကန်ရေတပ်ကို တိုက်ခိုက်ဖို့ ဆုံးဖြတ်ခဲ့ကြတယ်။ ဒါပေမယ့် ဆိုဗီယက်ရေတပ်ရဲ့ ရေငုပ်သင်္ဘောတပ်စုရဲ့ ဒုတိယအကြီးအကဲ ဖြစ်တဲ့ Vasily Arkhipov (ဓာတ်ပုံထဲကလူ) က အဲ့ဒီသင်္ဘောပေါ်မှာ ရှိနေခဲ့တယ်။ 

နျူကလီးယားလက်နက်နဲ့ ပစ်ဖို့ဆိုရင် အရာရှိ ၃ ယောက်စလုံး သဘောတူရမယ်ဆိုတဲ့ စည်းကမ်းအရ Arkhipov တစ်ယောက်တည်း ကန့်ကွက်ခဲ့တာဖြစ်ပါတယ်။ သူသာမကန့်ကွက်ရင် အဲ့ဒီတိုပီဒိုကို ပစ်လွှတ်တော့မှာဖြစ်ပြီး အမေရိကန်ရေတပ်သင်္ဘော အနည်းဆုံး ၁၁ စီးကို ခဏအတွင်း ဖျက်စီးပစ်ပြီး လူထောင်ချီ သေဆုံးရတော့မှာ ဖြစ်ပါတယ် ။

အမေရိကန်က လက်တုံ့ပြန်မှုအနေနဲ့ ဆိုဗီယက်ပိုင်နက်ကို နျူကလီးယားတိုက်ခိုက်လာမည်ဖြစ်ကာ အဲ့ဒီနောက် ကမ္ဘာတစ်ဝှမ်း နျူကလီးယားစစ်ပွဲ ဖြစ်လာနိုင်ခြေ အလွန်များနေခဲ့ရပါတယ်။ သိပ္ပံပညာရှင်တွေ တွက်ချက်ချက်အရ အဲ့လိုဖြစ်လာရင် လူသန်းပေါင်း ရာချီ ချက်ချင်းသေဆုံးပြီး နျူကလီးယားဆောင်းရာသီ (nuclear winter) ကြောင့် ကမ္ဘာ့လူဦးရေ အများစုသေဆုံးနိုင်တယ်လို့ ဆိုပါတယ်။

ဒါကြောင့် Vasily Arkhipov ကို “ကမ္ဘာကို ကယ်တင်ခဲ့တဲ့လူ” (the man who saved the world) လို့ သမိုင်းပညာရှင်တွေနဲ့ စစ်ဘက်သမိုင်းဆရာတွေက ခေါ်ယူခဲ့ကြတယ်။ သူမရှိရင် ဒီနေ့ ကျွန်တော်တို့ မရှိနိုင်တော့ဘူးလို့ ဆိုရဲတဲ့အထိပါပဲ။

အဲ့ဒီဖြစ်ရပ်က ၂၀၀၂ ခုနှစ် မှာ လျှို့ဝှက်ဖိုင်တွေ ဖွင့်လိုက်တဲ့အခါမှ ကမ္ဘာက သိရတာဖြစ်တယ်။ Arkhipov ကိုယ်တိုင်ကလည်း ၁၉၉၈ မှာ ဆုံးပါးသွားပြီဖြစ်ပြီး သူ့ရဲ့ အမှန်တကယ် အရေးပါမှုကို သူသေဆုံးပြီးမှသာ ကမ္ဘာက သိခဲ့ရတာပါ။ တကယ်ကို ကမ္ဘာ့သမိုင်းရဲ့ အန္တရာယ်အရှိဆုံး အခိုက်အတန့်တွေထဲက တစ်ခုဖြစ်ပါတယ် ။

#htoohtoolay

ကမ္ဘာ့ဗဟုသုတများဖတ်ရန် apk 

Download ဆွဲရန်

Facebook Page