နူကလီးယားစစ်ပွဲကြီး တကယ်ဖြစ်တော့မလား

Facebook (Meta) ရဲ့ CEO ဖြစ်သူ Mark Zuckerberg ဟာ ဟာဝိုင်ရီကျွန်းစုထဲက Kauai (ကာဝါအီ) ကျွန်းမှာ အလွန်ကြီးမားပြီး လျှို့ဝှက်ချက်တွေများတဲ့ အိမ်ရာဝင်းကြီးတစ်ခုကို တည်ဆောက်နေတာ ဖြစ်ပါတယ်။ ​ဒီအိမ်ရာဝင်းကို "Koolau Ranch" လို့ အမည်ပေးထားပြီး မြေနေရာဝယ်ယူခနဲ့ ဆောက်လုပ်စရိတ် စုစုပေါင်းဟာ ဒေါ်လာ သန်း ၂၇၀ (၂၇၀,၀၀၀,၀၀၀) ကျော် ကုန်ကျမယ်လို့ ခန့်မှန်းကြပါတယ်။ 

​သတင်းတွေအရ ဒီအိမ်ရာရဲ့ မြေအောက်မှာ စတုရန်းပေ ၅,၀၀၀ ကျော်ကျယ်ဝန်းတဲ့ မြေအောက်ဘန်ကာတစ်ခု ပါဝင်ပါတယ်။ နောက်ပြီး ဘန်ကာတံခါးကို သံမဏိနဲ့ ပြုလုပ်ထားကာ ကွန်ကရစ်နဲ့ အသေအချာ လောင်းထားပါတယ်။ နူကလီးယားစစ်ပွဲဒဏ်ကိုပင် ခံရရင်တောင် ခံနိုင်ရည်ရှိအောင် ဒီဇိုင်းဆွဲထားတာပါ။

​

​Zuckerberg ဟာ ဒီပရောဂျက်မှာ လုပ်ကိုင်နေတဲ့ အလုပ်သမားတိုင်းကို NDA (လျှို့ဝှက်ချက် ထိန်းသိမ်းခြင်းဆိုင်ရာ သဘောတူညီချက်) လက်မှတ်ထိုးခိုင်းထားပါတယ်။ ဘယ်သူမဆို ဒီအိမ်အကြောင်း ဓာတ်ပုံရိုက်တာ၊ အပြင်ကို ပြောပြတာမျိုး လုပ်ရင် အလုပ်ထုတ်ခံရတဲ့အပြင် တရားစွဲခံရနိုင်ပါတယ်။ (ဒါပေမဲ့ Wired မဂ္ဂဇင်းက စုံစမ်းထောက်လှမ်းပြီး သတင်းဖော်ပြခဲ့ရာကနေ လူသိများသွားတာပါ)။

​လူတော်တော်များများကတော့ "Zuckerberg လို ဘီလီယံနာကြီးတွေဟာ ရှေ့လျှောက် ကမ္ဘာမှာ တစ်ခုခုဖြစ်တော့မယ်ဆိုတာကို ကြိုသိနေလို့လား" ဆိုပြီး စိုးရိမ်တကြီးနဲ့ ဝေဖန်ပြောဆိုနေကြပါတယ်။ 

#htoohtoolay

ကမ္ဘာ့ဗဟုသုတများဖတ်ရန် apk

Download ဆွဲရန်