စစ်မှန်တဲ့ အသံ တိတ်ဆိတ်ခြင်းဆိုတာ မရှိဘူး

 

အပြင်ဘက်က ဘာအသံမှ မကြားရတဲ့အခါ "အလွန်တိတ်ဆိတ်တဲ့ အခန်း" (Anechoic Chamber) ထဲမှာ လူတစ်ယောက်ဟာ အချိန်အတိုင်းအတာတစ်ခုထိ နေထိုင်မယ်ဆိုရင် ခန္ဓာကိုယ်ရဲ့ အတွင်းပိုင်းအသံတွေကို ထင်ထင်ရှားရှား စတင်ကြားလာရပါတယ်။

​ဒါကို ဖြစ်စေတဲ့ အကြောင်းအရင်းတွေကတော့  ခန္ဓာကိုယ်ရဲ့ သဘာဝအသံတွေဟာ ပုံမှန်အားဖြင့် ကျွန်တော်တို့ ပတ်ဝန်းကျင်မှာ ဆူညံသံတွေ ရှိနေတာကြောင့် ခန္ဓာကိုယ်က ထွက်တဲ့အသံတွေကို ဦးနှောက်က ဖယ်ထုတ်ထားလေ့ရှိပါတယ်။ ဒါပေမဲ့ အပြင်ဘက်က အသံလုံးဝမရှိတော့တဲ့အခါ အောက်ပါအသံတွေကို ကြားလာရတတ်ပါတယ် ။ 

အဲ့ဒါတွေက​တော့ ကိုယ့်ရဲ့ နှလုံးခုန်နေတဲ့ တုန်ခါသံကို နားထဲမှာ အတိုင်းသား ကြားရတာမျိုး ၊  နားထဲက သွေးကြောတွေထဲမှာ သွေးစီးဆင်းနေတဲ့ အသံ (Whooshing sound)မျိုးတွေ နောက်ပြီး အလွန်ကျယ်လောင်တဲ့ လေတိုးသံလိုမျိုး ကြားရတာဖြစ်ပါတယ်။ ဒါ့အပြင် အူလမ်းကြောင်းထဲက လှုပ်ရှားမှုတွေကို ကြားရမယ် ထို့နောက် ခန္ဓာကိုယ်ကို အနည်းငယ် လှုပ်လိုက်တာနဲ့ အရိုးချင်း ပွတ်တိုက်သံတွေကို ကြားရတာမျိုးတွေ ဖြစ်တယ်။

​ကျွန်တော်တို့ရဲ့ ဦးနှောက်ဟာ အသံတွေကို အမြဲတမ်း စောင့်ကြည့်နားထောင်နေတတ်ပါတယ်။ ပတ်ဝန်းကျင်က အသံလုံးဝမရှိတော့တဲ့အခါ (0 Decibels နီးပါး ဖြစ်သွားတဲ့အခါ) ဦးနှောက်က "Gain" လို့ခေါ်တဲ့ အာရုံခံနိုင်စွမ်းကို အမြင့်ဆုံးထိ တင်လိုက်ပါတယ်။ အဲဒီအခါမှာ အရင်က မကြားရတဲ့ အလွန်သေးငယ်တဲ့ အသံတွေကိုတောင် ကျယ်ကျယ်လောင်လောင် ကြားလာရတာဖြစ်ပါတယ်။

​ကမ္ဘာ့အတိတ်ဆိတ်ဆုံး အခန်းတွေထဲမှာ ၄၅ မိနစ်ထက်ပိုပြီး ဘယ်သူမှ မနေနိုင်ကြတာ များပါတယ်။ ဘာဖြစ်လို့လဲဆိုတော့ ​အသံလုံးဝမရှိတဲ့အခါ လူဟာ မျှခြေ (Balance) ပျက်လာတတ်ပါတယ်။ (နားထဲက အရည်ကြည်တွေက မျှခြေအတွက် အရေးကြီးလို့ပါ)။ ​တချို့လူတွေမှာ ဦးနှောက်က အသံအတုတွေကို ဖန်တီးပြီး ကြားယောင်တာ (Auditory Hallucinations) မျိုးတောင် ဖြစ်နိုင်ပါတယ်။

​မိုက်ခရိုဆော့ဖ် (Microsoft) ရုံးချုပ်မှာရှိတဲ့ Anechoic Chamber ဟာ ကမ္ဘာ့အတိတ်ဆိတ်ဆုံးနေရာအဖြစ် စံချိန်တင်ထားပြီး အသံပမာဏက -20.35 dB အထိ ရှိပါတယ်။ အဲဒီအခါမှာ ကိုယ့်မျက်တောင်ခတ်တဲ့အသံကိုတောင် ကိုယ်တိုင်ပြန်ကြားနိုင်တယ်လို့ ဆိုပါတယ်။

#htoohtoolay

ကမ္ဘာ့ဗဟုသုတများဖတ်ရန် apk

‎download ဆွဲရန်