ဂူအောင်းလူသားများ၏ ရုပ်ကျွင်းကို နှစ် ၂၀ အတွင်း ပထမဆုံးအကြိမ် ရှာဖွေတွေ့ရှိ

ဂူအောင်းလူသားများ၏ ရုပ်ကျွင်းကို နှစ် ၂၀ အတွင်း ပထမဆုံးအကြိမ် ရှာဖွေတွေ့ရှိ

-----

ပြီးခဲ့တဲ့အပတ်က ကျွန်တော် ရှေ့ခေတ် ဂူအောင်လူသားတွေနဲ့ပတ်သတ်ပြီး video တစ်ခု တင်ပေးဖူးပါတယ် ။ သူတို့ အခု ဘယ်မှာရှိနေလဲဆိုပြီးတော့ပေါ့ ။ ကြည့်မိတဲ့သူတွေကတော့ သိကြပါလိမ့်မယ် ။ ကျွန်တော်တို့ ခေတ်သစ်လူသားတွေဟာ အဲ့ဒီ့ Neanderthal လူမျိုးတွေကနေ ဆင်းသက်လာတယ်ဆိုတာ DNA စစ်ချက်အရ သိရှိကြရတယ် ။ ဆိုတော့ကာ တကယ်ပဲ ကျွန်တော်တို့ရဲ့ သုတေသနပြုချက်များကို ပိုမိုပီပြင်အောင် နောက်ထပ် ရှေးဂူနေလူမျိုးတွေရဲ့ ရုပ်ကျွင်းတွေကို ပိုမိုရရှိဖို့ လိုအပ်လာပါတယ် ။ မနေ့က CNN သတင်းတစ်ပုဒ်တက်လာတာတွေ့တော့ ဖတ်မိထားတယ် ။ အဲ့ဒီ့ Neanderthal ရုပ်ကျွင်းအကြောင်းကို ။ အခု အဲ့ဒါကို ပြန်လည် ဖောက်သည် ချပါမယ် ။

လွန်ခဲ့တဲ့ နှစ်ပေါင်း ၇၀၀၀၀ အတွင်းက သေဆုံးခဲ့တဲ့ Neanderthal လူသားတစ်ဉီးရဲ့ရုပ်ကျွင်းကို ရှန်ဒါဂူထဲမှာ တူးဖော်တွေ့ရှိခဲ့တယ် ။ အဲ့ဒီ့ခန္ဓာကိုယ်ကို ဂရုတစိုက် တစ်ဖြေးဖြေး ဖော်ထုတ်တဲ့အခါ နောက်ကျော အောက်ပိုင်း ၊ လက်ျာလက်ရဲ့ ဆန့်နေတဲ့ အရိုးတွေနဲ့ လက်ဝဲလက်တို့က ခေါင်းခွံရဲ့အနောက်မှာ ခေါင်းအုံးသဖွယ် ရှိနေတာကို တွေ့ကြရတယ် ။ ခန္ဓာကိုယ်အောက်ပိုင်းကိုတော့ ရှာဖွေမတွေ့တော့ပါဘူး ။ ဒီရှာဖွေတွေ့ရှိမှုဟာ လွန်ခဲ့တဲ့ နှစ် ၂၀ အတွင်း ပထမဆုံးသော Neanderthal လူသားရုပ်ကျွင်းကို ရှာဖွေတွေ့ရှိမှု ဖြစ်ပါတယ် ။ ခန္ဓာအစိတ်အပိုင်းများဟာ ရှေ့က တူးဖော်ရရှိခဲ့တဲ့ ရုပ်ကျွင်းများထက် ပိုမိုပြီပြင်ပြီး အသေးစိတ်  DNA လေ့လာမှုများကို ရှေ့ကထပ် ပို၍ လေ့လာနိုင်မှာဖြစ်တယ်လို့ သုတေသီတွေက ဆိုပါတယ် ။

၎င်း ရှာဖွေတွေ့ရှိမှုကို အခြေခံပြီး ရှေ့က ယုံကြည်ထားတဲ့ Neanderthal လူမျိုးများအကြောင်းတွေကလည်း ပြောင်းလဲသွားနိုင်ပါတယ် ။ ဘာကြောင့်လဲဆိုတော့ အဲ့ဒီ့ တူးဖော်ရရှိခဲ့တဲ့ ရုပ်ကျွင်းရဲ့ ခေါင်းရင်းမှာ Neanderthal လူမျိုးစုဖြစ်တဲ့အကြောင်း တံဆိပ်လို့ယူဆရတဲ့ တြိဂံ ကျောက်ပြားတစ်ခုကို ထည့်သွင်းမြှပ်နှံထားလို့ပဲ ဖြစ်ပါတယ် ။ ယခင် ကျွန်တော်တို့ သိရှိထားသော Neanderthal လူမျိုးများဟာ တိရိစ္ဆာန်များနှင့် မခြားနားပဲ အလွန်ရိုင်းစိုင်းတဲ့ ဂူနေလမ်းလျှောက်သူများလို့ ထင်မှတ်ခဲ့ကြပါတယ် ။ အခု ရှာဖွေတွေ့ရှိချက်က ဒီအချက်ကို လုံးဝ ပယ်ဖျက်သွားစေနိုင်တယ်လို့ သုတေသီတွေက ယုံကြည်နေကြပါတယ် ။

Neanderthal လူသားများမှာ ယဉ်ကျေးမှုတစ်ခု ရှိနေခဲ့ပြီး တြိဂံကျောက်ပြားရဲ့ အဓိပ္ပာယ်ကိုတော့ ကျွန်တော်တို့ မသိရှိနိုင်သေးပါဘူး ။ နောက်ထပ် ရှာဖွေတွေ့ရှိချက်များ ရှိလာပါက ထိုအချက်ကို ရှင်းပြနိုင်လိမ့်မယ်လို့ ဆိုပါတယ် ။ ယင်းရုပ်ကျွင်းကို Iraqid Kurdistan ရှိ Shanidar ဂူထဲမှာ တွေ့ရှိခဲ့တာ ဖြစ်ပါတယ် ။

#htoohtoolay