လွန်ခဲ့သော နှစ်ပေါင်း ၄၈ သန်းခန့်က သန္ဓေသားပါသည့် မြင်း ကျောက်ဖြစ်ရုပ်ကျွင်း

လွန်ခဲ့သော နှစ်ပေါင်း ၄၈ သန်းခန့်က သန္ဓေသားပါသည့် မြင်း ကျောက်ဖြစ်ရုပ်ကျွင်း

-----

လွန်ခဲ့သော နှစ်ပေါင်း ၄၈ သန်းခန့်က သန္ဓေသားပါသည့် မြင်း ကျောက်ဖြစ်ရုပ်ကျွင်းကို ဂျာမနီသုတေသနပညာရှင်များက ရှာဖွေတွေ့ရှိခဲ့သည် ။ ဂျာမနီပညာရှင်များသည် အလွန်ကောင်းမွန်စွာ ထိန်းသိမ်းထားနိုင်သည့် သန္ဓေသားပါဝင်သော Eurohippus ဟု ခေါ်သော မြင်းနှင့်တူသည့် နို့တိုက်သတ္တဝါတစ်မျိုး၏ ထူးခြားသော ကျောက်ဖြစ်ရုပ်ကျွင်းခွဲခြမ်းစိတ်ဖြာမှုရလဒ်များအား တရားဝင်ထုတ်ပြန်ခဲ့ခြင်းဖြစ်သည် ။

ကျောက်ဖြစ်ရုပ်ကျွင်းများကို ၂၀၀၀ ပြည့်နှစ်တွင် ဂျာမနီရှိ မက်စယ်လ်တွင်း၌ တွေ့ရှိခဲ့ခြင်းဖြစ်သည် ။ ၎င်းသည် တွေ့ရှိသမျှ ရှေးကျသော ကျောက်ဖြစ်ရုပ်ကျွင်းများအနက် သဘာဝတရား၏ အကောင်းဆုံး ထိန်းသိမ်းထားသော ကျောက်ဖြစ်ရုပ်ကျွင်းလည်း ဖြစ်သည် ။ Messel ပတ်ဝန်းကျင်၏ ထူးခြားသော အရာများမှာ တွေ့ရှိသမျှ နမူနာကျောက်ဖြစ်ရုပ်ကျွင်းများအားလုံးကို ပုံစံမပျက် တွေ့ရှိရခြင်းပင် ဖြစ်လေသည် ။

ယခုရှာတွေ့သော ကျောက်ဖြစ်ရုပ်ကျွင်းအား သိပ္ပံပညာရှင်များက X-rays နှင့် scanning လုပ်၍ သုတေသနပြုနေကြသည် ။

၎င်းထဲမှ သန္ဓေသားမှာ အပြည့်အစုံ ပါဝင်မှု မရှိသေးသောကြောင့်  မွေးဖွားရန် အချိန်များစွာ လိုအပ်သေးကြောင်း သုတေသီများက ဆိုကြပြီး ထိုသေဆုံးမှုသည် သန္ဓေသားနှင့် မသတ်ဆိုင်ကြောင်း ကောက်ချက်ချကြသည် ။

#htoohtoolay