Godzilla ကို လေ့လာမယ်
-----
Movie သမိုင်းကြောင်းကို ကြည့်မယ်ဆိုရင်
Godzilla ဆိုတဲ့ စကားလုံးဟာ လူတိုင်း သိကြတဲ့ အမှတ်အသားတစ်ခုဖြစ်နေပါတယ် ။ ဂေါ်ဇီလာဆိုတာနဲ့
အလွန်ကြီးမားတဲ့ ရှေးဉီးသမိုင်းမတင်မီက သတ္တဝါဆိုးတစ်ကောင်ကို တွဲပြီး မြင်ရလေ့ ရှိတယ်
။ ဒီ ကြီးမားတဲ့ ရေဒီယိုသတ္တိကြွတွားသွားသတ္တဝါများဟာ မြို့ထဲကိုဝင်လာပြီး ဖျက်ဆီးလာခဲ့တာ
အခုနဲ့ဆို နှစ်ပေါင်း ၆၀ ကျော်လာခဲ့ပါပြီ ။ ဒီဖျက်ဆီးမှုတွေကပဲ လူသားတွေကို ပျော်ရွှင်မှု
ပေးခဲ့ကြတာဖြစ်တယ် ။ ဒီတော့ ဂေါ်ဇီလာကို ပြန်လည်သုံးသပ်ဖို့ အချိန်ကျပြီလို့ ထင်ပါတယ်
။
Godzilla ဆိုတာ ဘာလဲ ?
Godzilla ဆိုတဲ့ အရာဟာ
ဂျပန်က စတင်ခဲ့တဲ့ အရာဖြစ်ပြီး ဂျပန်ဘာသာအရ ဂေါ်ဇီလာဆိုတာ အလွန်ကြီးမားတဲ့ ဒိုင်နိုဆောသတ္တဝါတစ်မျိုးကို
ခေါ်တာဖြစ်တယ် ။ ၁၉၅၀ ခုနှစ်အတွင်းက အမေရိကန်စစ်တပ်က အက်တမ်လက်နက်များကို စမ်းသပ်ရင်း
ခေတ်မီတိုးတက်တဲ့အရာတွေ လုပ်ရာမှ ဒီဂေါ်ဇီလာတွေ ပေါ်လာခဲ့တာနဲ့ ဇာတ်သွားကို ဆင်ခဲ့ကြတာဖြစ်တယ်
။ ဒီဧရာမ သားရဲဟာ ပင်လယ်ကြမ်းပြင်ကနေ ထိုးထလာတယ် ။ ဒါပေမယ့် သူက လူသားတွေကို တိုက်ခိုက်လိုတဲ့သတ္တဝါတော့
မဟုတ်ပါဘူး ။ သူနိုးထလာတာက ခေတ်မီဆန်းသစ်တဲ့ လက်နက်တွေကြောင့် ဖြစ်ပေါ်လာတဲ့ ရေဒီယိုသတ္တုကြွတွေကို
ဖျက်ဆီးဖို့ဖြစ်တယ် ။ ဒါကြောင့် သူက စစ်သေင်္ဘာတွေကို နစ်မြှပ်စေပြီးတော့ စစ်လက်နတ်တွေကို
ဖျက်ဆီးဖို့ အားထုတ်တော့တယ် ။ သူ့အရွယ်အစားက အလွန်ကြီးမားတဲ့အတွက် ဘေးအန္တာရာယ်တွေကို
သူက ဂရုမစိုက်ဘူး ။ အထူးသဖြင့် သူက နဂါးတွေလို ရေဒီယိုသတ္တိကြွအပူရောင်ခြည်တွေကို ပါးစပ်ကနေ
ထုတ်လွှတ်နိုင်တာပါပဲ ။
မူလက ဂေါ်ဇီလာကို ပေ ၁၆၄
ပေနဲ့ စတင်ခဲ့ကြတယ် ။ နောက်ပိုင်းရောက်တော့ ၃၂၈ ပေအထိ တိုးမြှင့်လာခဲ့ပါတယ် ။ သူရဲ့ပုံသဏ္ဏာန်က
ကြွက်သားတွေကြီးမားပြီး အမြီးအပါအဝင် သူ့ရဲ့တစ်ကိုယ်လုံးဟာ ကျောက်တုံးတွေနဲ့ ပြည့်နက်နေတာဖြစ်တယ်
။ ဆယ်စုနှစ်များအတွင်းမှာ ဒီဒီဇိုင်းကိုပဲ အသုံးပြုခဲ့ပြီး အနည်းငယ်တာ ပြုပြင်လာခဲ့ကြတာ
ဖြစ်ပါတယ် ။
ဂေါ်ဇီလာဟာ လူသားတွေရဲ့
ရန်သူမဟုတ်ပါဘူး ။ သူက ကမ္ဘာကြီး ပျက်ဆီးမဲ့အရေးကို ကာကွယ်လိုတာဖြစ်တယ် ။ ဘာကြောင့်လဲဆိုတော့
သူ့လဲ ကမ္ဘာအတွင်းမှာ နေထိုင်နေတဲ့ သတ္တဝါတစ်ကောင် ဖြစ်နေလို့ပါ ။ ဒါကြောင့် ရုပ်ရှင်တော်တော်များများမှာ
ဂေါ်ဇီလာကို အသေသတ်တဲ့ ဇာတ်ဝင်ခန်းမျိုး မသုံးကြတာ ဖြစ်တယ် ။ နောက်ဆုံးပိုင်းရောက်တိုင်း
သူဟာ သူရဲကောင်း တစ်ဉီးအနေနဲ့ တည်ရှိနေပြီး သူ့နေရပ်ဆီကို ပြန်ရစမြဲ ဖြစ်ပါတယ် ။
အမှန်တော့ ဂျပန်တွေဟာ ပညာပေးအနေနဲ့
ရိုက်ကူးထားတဲ့ ရုပ်ရှင်ပါ ။ ဘေးဉပါဒ်တွေ ကျရောက်နိုင်တဲ့ လေထုညစ်ညမ်းမှုတွေကို သိရှိစေပြီးတော့
ကမ္ဘာကြီးဟာ တစ်ချိန်မှာ ပျက်ဆီးသွားမဲ့အရေးကို ဖော်ထုတ်ထားတာဖြစ်တယ် ။ တကယ်တော့ ဂေါ်ဇီလာရဲ့
ဖွဲ့စည်းပုံခန္ဓာဟာ သမိုင်းကြောင်းတစ်လျှောက် မဖြစ်ပေါ်နိုင်တဲ့ ခန္ဓာမျိုး ဖြစ်တယ်
။ ဂေါ်ဇီလာနဲ့တူတဲ့ ကျောက်ဖြစ်ရုပ်ကျွင်းတွေကိုလဲ တူးဖော်တေွ့ရှိခြင်းတွေ မရှိပါဘူး
။ သူက မိကျောင်းတစ်ကောင်ကို မတ်တပ်ပေးရပ်ထားတာပဲ ဖြစ်တယ် ။
Godzilla
ရဲ့ မူလအစ -
Godzilla
ရုပ်ရှင်က စစ်ပြီးကာလမှာ ပေါ်ထွက်လာတဲ့ ဇာတ်ဝင်ကားတစ်ကားဖြစ်ပြီး သူ့ရဲ့
ကျောရိုးဟာ ဒုတိယကမ္ဘာစစ်အတွင်းက အမေရိကန်တွေ ကျဲချခဲ့တဲ့ အနုမြူဗုံးကို
ပမာပြုထားခြင်း ဖြစ်တယ် ။ ဗုံးကို
ဒေါသအရမ်းထွက်နေတဲ့ သတ္တဝါအနေနဲ့
ဖော်ပြပြီး ၁၉၅၄ မတ်လက အမေရိကန်စစ်တပ်က Castle Bravo အမည်ရှိတဲ့ ဟိုက်ဒရိုဂျင်ဗုံးစမ်းသပ်မှုကုဒ်ကိုပြုလုပ်ခဲ့ကြတယ် ။ မာရှယ်ကျွန်းက
Bikini Atoll ပစိဖိတ်သမုဒ္ဒရာအတွင်းမှာ ပေါက်ကွဲခဲ့ပါတယ်
။ အဲ့ နျူကလီးယားပေါက်ကွဲမှုက မမျှော်လင့်ပဲ အဝေးမှာရှိနေတဲ့ ငါးဖမ်းသေင်္ဘာတွေကို
ထိမှန်ခဲ့တယ် ။ အဲ့ဒီ့ရဲ့ ဓာတ်ငွေ့ရောင်ခြည်တွေကြောင့် ရောဂါတွေရပြီး
ဖျားနာခဲ့ကြတယ် ။ အဲ့ အဖြစ်ပျက်ကို ကျောထောက်ခံပြုပြီးတော့ Toho
ကုမ္ပဏီရဲ့ထုတ်လုပ်သူ Tomoyuki Tanaka က ၁၉၅၄ ခုနှစ်မှာ ဇာတ်သွင်းခဲ့တာပဲ ဖြစ်ပါတယ် ။ ဂေါ်ဇီလာဟာ ဗုံးကို
ပမာပြုထားပေမယ့် သူ့ကို သင်္ခမ်းစာအနေနဲ့တာ ထားတဲ့အတွက် သူဟာ နူကလီယားဆန့်ကျင်မှုကို
ပြုလုပ်စမြဲ ဖြစ်တယ် ။ ဒါကြောင့်သူဟာ သူရဲကောင်းအနေနဲ့ အမြဲတမ်း
ကျန်နေခဲ့ရတာဖြစ်ပါတယ် ။
#htohtoolay
Comments
Post a Comment