မံမီ ရုပ်အ​လောင်းများ

မံမီရုပ်အလောင်းများ
-----
ဘာသာရေးနှင့် တိုင်းပြည်ခေါင်းဆောင် ထွက်ရပ်ပေါက်ပုဂ္ဂိုလ်များ ကွယ်လွန်သွားသောအခါတွင် ကြီးမြတ်သော ပုဂ္ဂိုလ်တို့၏ ရုပ်ကလာပ်မှာလည်း သန့်စင်မွန်မြတ်သော တန်ခိုးသတ္တိများ ရှိလေရာ ထိုပုဂ္ဂိုလ်ထူးတို့၏ ရုပ်ကလာပ်ကို မပျက်စီးအောင် ကျပ်စည်းပြီး ဂူသွင်းခြင်း ၊ မြေမြှုပ်ခြင်းကို ပြုခဲ့သော အစဉ်အလာဟောင်း ရှိသည် ။

ထို့အပြင် ထုံကူးချိန်တွင် ထွက်ရပ်ပေါက်ပုဂ္ဂိုလ်၏ နာမ်ဝိညာဉ်သည် ရုပ်ခန္ဓာကိုယ်အား စွန့်ခွာပြီး အခြားဘုံများတွင် ကျက်စားနေရာမှ ပြန်လည်ရောက်ရှိလာပြီး မိမိ ခန္ဓာကိုယ်သို့ ဝိညာဉ်ပြန်ဝင်ရသည် ။

ဤသို့ ဝိညာဉ်ခရီး ထွက်နေစဉ်အတွင်း ထိုပုဂ္ဂိုလ်၏ ကျန်ရစ်ခဲ့သော ရုပ်ခန္ဓာ ( အလောင်း ) ကို မပျက်မစီးအောင် စီစဉ်မှုအနေဖြင့် ရုပ်ခန္ဓာကို ကျပ်စည်းခြင်း ဖြစ်သည် ။

နောင်အခါတွင် ဂန္ဓာရီပညာများ လျော့ပါးပြီး ထုံကူးခြင်းလည်း မပြုနိုင်သောအခါတွင် ဘုရင်နှင့် မိဖုရားတို့၏ ရုပ်အလောင်းကို ထုံကူးသူကဲ့သို့ မပျက်စီး ၊ မပုပ်သိုးအောင် ၊ ကျပ်စည်းသောဓလေ့ ဝင်ရောက်လာသည် ။

များသောအားဖြင့် ကျပ်စည်းထားသည်မှာ ဤသဘာဝအတိုင်းပင် ဖြစ်သည် ။

ယနေ့ တွေ့ရှိရသမျှသော မံမီရုပ်လောင်းအနက် အစောဆုံး မံမီသည် ဘီစီ ၂၉၀၀ ခန့်မှ ရုပ်အလောင်းဖြစ်သည် ။

မဟာပိရမစ်တည်သည်မှာ ဘီစီ ၃၀ , ၀၀၀ ဖြစ်ရာ မံမီများသည် များစွာနောက်ကျသောကာလမှသာလျှင် ပေါ်ခဲ့သော ၊ အလောင်းဖြစ်သည် ။

ဂန္ဓာရီပညာနှင့် မသက်ဆိုင်ဘဲ ဂန္ဓာရီအငွေ့အသက်ကို ယူကာ ပိရမစ်ထဲထားပြီး နှောင်းလူများက မိဘ ဘိုးဘွား ကိုးကွယ်မှုဓလေ့အဖြစ်ဖြင့်သာ ရပ်တည်ခြင်း ဖြစ်သည် ။

ဂန္ဓာရီပညာ၏ အငွေ့အသက်များဆိုသည်မှာ ထွက်ရပ်ပေါက်ပုဂ္ဂိုလ်များ ရှားပါး ကွယ်ပျောက် သွားသောအခါတွင် ဂန္ဓာရီပညာ တစ်ပိုင်းတစ်စကို သိသူများက သူတို့ကိုယ်ကျိုးအတွက် မှော်ပညာအဖြစ် လေ့လာလိုက်စားကြသည် ။

ထို့ကြောင့် တချို့ မံမီများကို မှော်ပညာ အစီအရင်များဖြင့် စီရင်ထားရာ တူးဖော်သူ ၊ သယ်ဆောင်သူများအား ခိုက်သည်ဟု သတင်းကြီးလာသည် ။

ကိုင်ရိုက ဒေါက်ကလပ်ဆိုသူအား ညာလက် ဖြတ်ပစ်ရလိမ့်မည်ဟု လက္ခဏာ ဟောပြီးနောက် ဒေါက်ကလပ်သည် မံမီအလောင်းကို တူးဖော်ရာ သူ့လက်ကို ကျည်ဆန်မှန်၍ ၊ လက်ဖြတ်ပစ်လိုက်ရသည် ။

နောက်ဆုံးတွင် ထိခိုက်လွန်းသဖြင့် မံမီအလောင်းကို ဗြိတိသျှ ပြတိုက်ကပင် လက်မခံလိုတော့ရာ နယူးယောက်ပြတိုက်သို့ ပို့ရန်အတွက် တိုက်တန် သင်္ဘောပေါ် တင်ပေးလိုက်ရသည် ။

တိုက်တန်သင်္ဘောကြီး ရေနစ်သွားသောအခါ ယင်းမံမီရုပ်အလောင်းလည်း တစ်ပါတည်း ရေအောက်ရောက်သွားသည် ။

တိုက်တန်သင်္ဘောကြီး ရေနစ်ရသည်မှာ မံမီရုပ်အလောင်းကြောင့်ပင်လောဟု တွေးတောစရာပင် ဖြစ်နေသည် ။

#htoohtoolay