ဝိဇ္ဇာဓိုရ်အတက် ရှင်းလင်းချက်
------------------------------------
"ငါဘုရားသည် တန်ခိုးပြာဋိဟာပြရန် ဝန်လေး၏ ။ ရှက်၏ ။ စက်ဆုပ်၏ "
( ဒီဃနိကာယ် ။ ကေဝဋ္ဋသုတ် )
" သိမှုဝိဇ္ဇာသည် ကုသိုလ်တရားတို့၏ ရှေ့သွားဖြစ်၍ ရှက်ကြောက်မှုသည် နောက်လိုက်ဖြစ်၏ ။ ကုသိုလ်တရားအားလုံးသည် မမေ့မလျော့မှု အပ္ပမာဒတရား လျှင် အခြေခံဖြစ်၏ "
( အင်္ဂုတ္တရနိကာယ် ။ စတုက္ကနိပါတ် - အပ္ပမာဒသုတ်နှင့် ဒသကနိပါတ် - ဝိဇ္ဇာသုတ် )
" ဟုတ်မှန်သော အကျိုးစီးပွားနှင့်စပ်သော သူတစ်ပါးနှစ်သက်သော စကားမျိုးကိုသာ မြတ်စွာဘုရားသည် အခါအားလျော်စွာပြော၏ "
( မဇ္ဈိမနိကာယ် ။ အဘယရာဇကုမာရသုတ် )
" ဤအယူမှာ သင်တို့၏အယူဖြစ်သည် ။ ငါ၏ သာသနာ၌မူ မဂ္ဂင်ရှစ်ပါးသည် ကိလေသာအညစ်အကြေး စွန့်ပစ်ရာ ရေအိုင်ဖြစ်သည် "
( သံယုတ္တိနိကာယ် ။ ဗြာဟ္မဏသံယုတ် ။ သင်္ဂါရဝဗြာဟ္မဏသုတ် )
" နက္ခတ်ကို ငံ့လင့်သော သူမိုက်အား အကျိုးသည် ယုတ်၏ ။ ကောင်းကင် ကြယ် နက္ခတ်တို့သည် အဘယ်အကျိုး ပြုလတ္တံ့နည်း "
( ဧကနိပါတ် နက္ခတ္တဇာတ် )
-------------------
ဝိဇ္ဇာ
-------
ဝိဇ္ဇာသည် ပါဠိစကားဖြစ်၍ အနက်မြန်မာပြန်ပါက လောကီလောကုတ် အသိအလိမ္မာ ပညာများကို တက်ကျွမ်းခြင်း ဖြစ်သည် ။ ထို့ကြောင့် ဝိဇ္ဇာမိုရ်ဟူသည် သူ့ဆိုင်ရာ ပညာရပ်များ၌ ကုန်စင်အောင် တက်ကျွမ်းထားသူဟု ဆိုရပါမည် ။
ဤပညာတက်ကျွမ်းသူ ဝိဇ္ဇာဓိုရ်များကို ကျေးဇူးရှင် လယ်တီဆရာတော်ဘုရားကြီးနှင့် သေက္ခတောင် ဦးတိလောကအရှင်မြတ်တို့ စီရင်ရေးသားအပ်သော ဝိဇ္ဇာမဂ္ဂံဒီပနီကျမ်း တွင် အောက်ပါအတိုင်း ခွဲခြားဖေါ်ပြထားလေသည် ။
ဣသျှ ။ ယဇု ။ သာမ ။ အာတပ္ပနခေါ် ဗေဒင် လေးမျိုးတက်သူကို ဒေဝဝိဇ္ဇာဓိုရ် ။
လက္ခဏာကျမ်း နိမိတ်ကျမ်း ဂါထာမန္တရား ဆေးဝါး ဓါတ်ကျမ်း စသည်နှင့် စက်မှုလက်မှု လောကီပညာမျိုးတက်သူကို မန္တဝိဇ္ဇာဓိုရ် ။
ဓနသိဒ္ဓိ အာယုသိဒ္ဓိ စိန္တာမယသိဒ္ဓိ ပထဝီသိဒ္ဓိ အာကာသသိဒ္ဓိ ဥဒကသိဒ္ဓိ မျိုးကို ပေါက်ရောက်၍ နတ်သကြားတို့လောက် အစွမ်းရှိသော ဆေးဝိဇ္ဇာ အင်းဝိဇ္ဇာ မန္တာန်ဝိဇ္ဇာ ဟူသမျှကို ဂန္ဓာရီဝိဇ္ဇာဓိုရ် ။
လောကီအဘိဉာဉ် ၅ ပါးကို ရတော်မူသော ဈာန်ပျံပုဂ္ဂိုလ်အပေါင်းကို လောကီယဝိဇ္ဇာဓိုရ် ။
အနိစ္စ ဒုက္ခ အနတ္တ ရုပ် နာမ် ဓမ္မ သင်္ခါရတို့ကို အဟုတ်အမှန် သိတော်မူသော အရိယာပုဂ္ဂိုလ်တို့ ကို အရိယာဝိဇ္ဇာဓိုရ် အဆင့်အမြင့်ဆုံး ယှဉ်ပြိုင်မှုကင်းသော အလွန်ဘုန်းတန်ခိုးကြီးသည့် ဝိဇ္ဇာကြီးဟုခေါ်သည် ။
ဤဝိဇ္ဇာမှ သိလ သမာဓိ ပညာတို့သည် ၄င်းတို့၏ ရောက်ရှိရာအရပ်၌ ကျန်ရှိသော ဝိဇ္ဇာတို့ ရှိပါက ၄င်းဝိဇ္ဇာရှင်တို့၏ ပညာသည် မည်သို့မျှ သုံးနိုင်ခြင်း စွမ်းနိုင်ခြင်း မရှိရုံတင်မက အနားကပင် ဖယ်ရှောင်ထွက်ခွာရလေ၏ ။ သို့သော် အရိယာဝိဇ္ဇာဓိုရ်တို့က လိုအပ်လို့ ခေါ်ဆောင် ထုတ်သုံးခွင့်ပြုလျင်မူ အစွမ်းများ ပြန်လည် ရရှိသည်ဆို၏ ။
ထို့အပြင် ဂန္ဓာရီဝိဇ္ဇာဓိုရ်မှ အောက်ပါအတိုင်း ၅ မျိုးကို ထပ်မံထုတ်ယူဖေါ်ပြလေသည် ။
ပြဒါးဝိဇ္ဇာ
သံဝိဇ္ဇာ
ဆေးဝိဇ္ဇာ
အင်းဝိဇ္ဇာ
မန္တာန်ဝိဇ္ဇာ တို့ဖြစ်သည် ။
ဤဂန္ဓာရီဝိဇ္ဇာဓိုရ် အတက်ပညာများ၏ မူလဇစ်မြစ်ကို ကြည့်လျှင် အိန္ဒိယပြည်မှ ဆင်းသက်လာဟန်ရှိသည် ။ထို့ကြောင့် ဂန္ဓာရီဟူသောစကားကို ဝိဂြိုလ်ပြုရာ၌ ဂန္ဓာရာနံ - ဂန္ဓာရတိုင်းသားတို့၏ ဧက - အတက်ပညာများသည် ဂန္ဓာရီမည်၏ဟု အဌကထာ ပညာရှင်တို့ အဆိုရှိခဲ့ဟန်တူ၏ ။
ဝိဇ္ဇာ ဇော်ဂျီ တပဿိ ယောဂီ စသည်ဖြင့် ကျွန်ပ်တို့မြန်မာများ အမျိုးမျိုးခေါ်လေ့ရှိကြပေရာ . . .
ဝိဇ္ဇာမှာ ပါဠိဘာသာဖြစ်ပြီး မြန်မာလို အတက်ပညာဖြစ်သည် ။
ဇော်ဂျီမှာ ယောဂီဟူသော ပါဠိပင်ဖြစ်၍ ကမ္မဋ္ဌာန်းအားထုတ်သော ပုဂ္ဂိုလ်ဖြစ်သည် ။
တပဿိမှာလည်း ပါဠိပင်ဖြစ်၍ ခြိုးခြံစွာ ကျင့်ကြံသောသူဖြစ်ပြီး ရသေ့သည်လည်း ထိုအတိုင်းပင်ဖြစ်သည် ။
အမှန်စင်စစ် တန်ခိုးဣဒ္ဓိဆိုသည်မှာ လောကအမှုကိစ္စဟူသမျှတို့၌ ကောင်းစွာလုပ်ကိုင်အားထုတ်သောကြောင့် မိမိလိုရာအကျိုးများ ပြီးပြည့်စုံအောင် ရရှိလာခြင်းကို ခေါ်သည် ။ မြေလျှိုး မိုးပျံခြင်းကိုမှသာ တန်ခိုးဣဒ္ဓိဟု ခေါ်ခြင်းမဟုတ် ။ စာပေ ပညာတက်ခြင်း လောကအတွက် အကျိုးရှိဖို့ရာ စာပေပညာများ ဖြန့်ဝေအသုံးချပေးခြင်း များကိုလည်း တန်ခိုးဣဒ္ဓိပင် ခေါ်လေ၏ ။
ယခုခေတ် သိပ္ပံပညာရှင်တို့၏ ကောင်းကင်သို့ လေယဉ်ပျံ ဂြိုလ်ထု ဒုံးပျံ စသည်တို့ဖြင့် သွားခြင်း လကမ္ဘာပေါ်သို့ တက်နိုင်ခြင်း အဏုမြူ ရေငုပ်သင်္ဘောဖြင့် သမုဒ္ဒရာအောက်၌ နေနိုင်ခြင်း တယ်လီဗေးရှင်းမှ ကမ္ဘာအရပ်ရပ်မှ ရုပ်အဆင်း အသံများကို ထုတ်လွှင့် ကြည့်ရှုနိုင်ခြင်း အစရှိသည်တို့သည် ဝိဇ္ဇာမယာဣဒ္ဓိတန်ခိုးပင် ဖြစ်ကြောင်း လေ့လာတွေ့ရှိသလောက်များအား အတက်နိုင်ဆုံးပြည့်စုံစေရန် ဆပ်စပ်၍ ရေးသားတင်ပေးလိုက်ရပါ၏ ။ ဗဟုသုတ တိုးကြပါစေခင်ဗျာ ။
#htoohtoolay
Comments
Post a Comment